Қарттар үйіндегілер бір-бірімен соттаса бастады


    Қарттар үйіндегілер  бір-бірімен соттаса бастады
    Жуырда Ақтөбенің соты қарттар үйінде тұратын 4 адамның ісін қарады. Олар ішімдік ішіп, көршілерінің мазасын алған. Төбелес шығарған. Олардан әбден ығыр болған қарттар үйінің басшысы сотқа шағымдануға мәжбүр болып ты.

    Бір үйдің тұрғындарын сотқа дейін сүйреген оқиға биыл наурыздың 11-і күні болған. Ішімдікке сылқия тойып алған Женя (есімі өзгертілді) есімді тұрғын 80 жастағы кейуананы балағаттаған. Онысымен қоймай, басынан ұрғылап, зәбір көрсеткен.
    Женя - балалар үйінде өскен тұлдыр жетім. Соңғы 7 жылдан бері Ақтөбедегі қарттар үйін мекендеп келеді.
    -Жасы 50-ден асқан азаматтың аузы арақтан құрғамайды. Біз лажсыздан сотқа шағымдандық. Өйткені, ол осыған дейін 1 емес, 10 рет төбелес шығарған болатын- дейді қарттар мен мүгедектер үйіндегі мәдени-тұрмыстық комиссияның төрағасы Андрей Төлегенов.
    Қарттар үйінің тұрғыны Женяның ісін қараған Ақтөбе қалалық соты 30 наурыз күні шешім шығарды. Сот Женяны ҚР ӘҚБтК-нің 434 бабының 1 бөлімінде көрсетілген құқық бұзушылықты жасады деп айыптап отыр.Енді ол 19 820 теңге айыппұл төлеуі тиіс.
    Тап осындай жаза наурыздың 11-і күні қарттар үйінде шу шығарып, мүгедектер мен қарттардың мазасын алған тағы 3 тұрғынға қолданылды.Олардың екеуі қарттар үйіне бір апта бұрын әлеуметтік бейімдеу орталығынан жіберілген екен. Құжаттарын түгендеп, салулы төсек, салқын үйге қол жеткізген соң олар үйреншікті “әндеріне” басқан. Тапқан-таянғандарын арақ қылып ішіп, мас күйінде бөлмелерінің алдында ұйықтап қалған. Одан бұрын көршілерінің мазасын алып, балағаттаған. Интернат қызметкерлерінің ескертуіне құлақ аспай, боқтық сөздерді айтқан.
    “Керек. info” тілшісімен сөйлескен интернат қызметкерлері мемлекет қамқорлығындағы бұл азаматтардың “еркелігінен” әбден ығыр болғандықтарын айтады.

    Андрей ТӨЛЕГЕНОВ, мәдени-тұрмыстық комиссияның төрағасы:
    - Мұндағылардың көбісі зейнетақысын араққа жұмсайды. Онымен қоймай араларында балаларынан алимент өндіріп алғысы келетіндер де бар. Бұл бізде бірінші рет болып отырған жағдай емес.Арбаға таңылғандар да, көзі көрмейтіндер де – бәрі бұзықтық жасайды. Қарттардың құлағына тыныштық жоқ.
    Интернат басшылары жуырда тағы 5 адамның ісін сотқа жолдамақшы. Олар да үнемі ішімдік ішіп, интернат қызметкерлері мен қарттардың мазасын алады.Андрей Төлегеновтің айтуынша, 1 жылдың ішінде 10 адам келеңсіз әрекеттерге жол беріп, интернаттағы бөлмелерін босатуға мәжбүр болған.
    Интернат қызметкерлері зейнетақы берілетін күн мен оның ертеңіне міндетті түрде төбелес пен дау-дамайдың шығатындығын айтады. Қызметкерлер мереке күндері де күшейтілген режимде жұмыс істеуге мәжбүр. Өйткені, интернаттағы тойдың соңы үнемі төбелеске ұласады. Мысалы, былтыр наурыз мейрамы кезінде бір тұрғын екіншісін ұрып өлтірді.
    Ақтөбедегі қарттар мен мүгедектер үйі қазір 294 адамның мекені.

    Ұқсас жаңалықтар
  • Телефон террорисі ұсталды
  • Ерікті жастар ардагерлерге қол ұшын берді
  • Кәсіпкер Ресейдің кеден комитетін сотқа бермекші
  • Ақтөбеде сайлауға дайындық басталды
  • Жайсаңбай ауылы ауыз судан қиналып отыр
  • Пікір
kerek info kerek info
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл

Қарттар үйіндегілер бір-бірімен соттаса бастады


Қарттар үйіндегілер  бір-бірімен соттаса бастады
Жуырда Ақтөбенің соты қарттар үйінде тұратын 4 адамның ісін қарады. Олар ішімдік ішіп, көршілерінің мазасын алған. Төбелес шығарған. Олардан әбден ығыр болған қарттар үйінің басшысы сотқа шағымдануға мәжбүр болып ты.

Бір үйдің тұрғындарын сотқа дейін сүйреген оқиға биыл наурыздың 11-і күні болған. Ішімдікке сылқия тойып алған Женя (есімі өзгертілді) есімді тұрғын 80 жастағы кейуананы балағаттаған. Онысымен қоймай, басынан ұрғылап, зәбір көрсеткен.
Женя - балалар үйінде өскен тұлдыр жетім. Соңғы 7 жылдан бері Ақтөбедегі қарттар үйін мекендеп келеді.
-Жасы 50-ден асқан азаматтың аузы арақтан құрғамайды. Біз лажсыздан сотқа шағымдандық. Өйткені, ол осыған дейін 1 емес, 10 рет төбелес шығарған болатын- дейді қарттар мен мүгедектер үйіндегі мәдени-тұрмыстық комиссияның төрағасы Андрей Төлегенов.
Қарттар үйінің тұрғыны Женяның ісін қараған Ақтөбе қалалық соты 30 наурыз күні шешім шығарды. Сот Женяны ҚР ӘҚБтК-нің 434 бабының 1 бөлімінде көрсетілген құқық бұзушылықты жасады деп айыптап отыр.Енді ол 19 820 теңге айыппұл төлеуі тиіс.
Тап осындай жаза наурыздың 11-і күні қарттар үйінде шу шығарып, мүгедектер мен қарттардың мазасын алған тағы 3 тұрғынға қолданылды.Олардың екеуі қарттар үйіне бір апта бұрын әлеуметтік бейімдеу орталығынан жіберілген екен. Құжаттарын түгендеп, салулы төсек, салқын үйге қол жеткізген соң олар үйреншікті “әндеріне” басқан. Тапқан-таянғандарын арақ қылып ішіп, мас күйінде бөлмелерінің алдында ұйықтап қалған. Одан бұрын көршілерінің мазасын алып, балағаттаған. Интернат қызметкерлерінің ескертуіне құлақ аспай, боқтық сөздерді айтқан.
“Керек. info” тілшісімен сөйлескен интернат қызметкерлері мемлекет қамқорлығындағы бұл азаматтардың “еркелігінен” әбден ығыр болғандықтарын айтады.

Андрей ТӨЛЕГЕНОВ, мәдени-тұрмыстық комиссияның төрағасы:
- Мұндағылардың көбісі зейнетақысын араққа жұмсайды. Онымен қоймай араларында балаларынан алимент өндіріп алғысы келетіндер де бар. Бұл бізде бірінші рет болып отырған жағдай емес.Арбаға таңылғандар да, көзі көрмейтіндер де – бәрі бұзықтық жасайды. Қарттардың құлағына тыныштық жоқ.
Интернат басшылары жуырда тағы 5 адамның ісін сотқа жолдамақшы. Олар да үнемі ішімдік ішіп, интернат қызметкерлері мен қарттардың мазасын алады.Андрей Төлегеновтің айтуынша, 1 жылдың ішінде 10 адам келеңсіз әрекеттерге жол беріп, интернаттағы бөлмелерін босатуға мәжбүр болған.
Интернат қызметкерлері зейнетақы берілетін күн мен оның ертеңіне міндетті түрде төбелес пен дау-дамайдың шығатындығын айтады. Қызметкерлер мереке күндері де күшейтілген режимде жұмыс істеуге мәжбүр. Өйткені, интернаттағы тойдың соңы үнемі төбелеске ұласады. Мысалы, былтыр наурыз мейрамы кезінде бір тұрғын екіншісін ұрып өлтірді.
Ақтөбедегі қарттар мен мүгедектер үйі қазір 294 адамның мекені.

Ұқсас жаңалықтар
  • Телефон террорисі ұсталды
  • Ерікті жастар ардагерлерге қол ұшын берді
  • Кәсіпкер Ресейдің кеден комитетін сотқа бермекші
  • Ақтөбеде сайлауға дайындық басталды
  • Жайсаңбай ауылы ауыз судан қиналып отыр
  • Пікір
    ^ Үстіге