Тұрғындар шенеунікті “парақор” деп айыптады


    Тұрғындар шенеунікті  “парақор” деп айыптады
    Кеңқияқ ауылының тұрғындары селолық әкімдік қызметкері Гүлнұрды (есімі өзгертілген) “парақор” деп айыптап отыр. Айтуларынша, шенеунік тұрғындардың баласын бақшаға орналастырамын, жұмыс тауып беремін деген желеумен сомасы әртүрлі қаражат алып отырған.

    - Акиматтағы Гүлнұр 2014 жылғы тамыз айында жолдасым Хамзаны жұмысқа тұрғызып беремін деп 100 000 теңге сұрады. Өзімізде ондай ақша қайдан болсын? Қайынінімнен қарызға алдым. Содан бері 8 ай өтті. Не ақшамды қайтармайды, не жұмыс тауып берген жоқ-дейді Ләйлә Құрманова.
    4 баланың анасы Ләйләнің өзі де жұмыссыз. Сөзіне қарағанда, отбасы мүшелері ай сайын берілетін 12 мың теңге жәрдемақымен күнелтуде. Банктегі несиесі мен коммуналдық төлемдері күн сайын өсіп жатыр.
    Ләйлә Құрманованың сөзіне қарағанда, әкімдік қызметкері үйіне телефон шалып, көмекшісін жіберетіндігін хабарлаған. Ләйлә көмекші қыздан конвертке салып, 100 000 теңге беріп жібергенін айтады.
    - Кілең 5 мыңдықтар болатын.Өз қолыммен 100 000 теңгені санап бердім. Гүлнұр маған “Негізі ол 200 000 теңгенің жұмысы еді. Мен сіздердің әлеуметтік жағдайларыңызды ескеріп отырмын” деді. Содан бері ол мені күнде ертеңмен тойдырып келеді. Соңғы кезде қалта телефонына қоңырау шалсам, тұтқаны мүлдем көтермейтін болды-дейді жұмыссыз әйел.
    Кеңқияқ ауылдық округінің қызметкері Гүлнұрды “парақор” деп айыптап отырған тағы бір тұрғынның есімі-Ұлмерек. Ол үлкен немересі Нұрасылды балабақшаға орналастыру үшін әкімдік қызметкері өзінен 15 000 теңге теңге алғандығын айтады. Бұл оқиға 2013 жылғы маусым айында болған.
    -2014 жылғы маусым айында екінші немерем Мединаның балабақшадағы кезегі кеп тұрған болатын. Гүлнұр ақша дәметіп, Мединаға жолдама бермей қойды. Мен шу шығарып, ауыл әкімі Роза Сатанованың кабинетіне бардым. Мәселем содан кейін ғана шешілді.Сол жерде Гүлнұр 2013 жылғы маусымда менен алған 15 000 теңгесін қайтарып берді. Бірақ, кешірім сұраған жоқ-дейді Ұлмерек.
    “Керек.info” тілшісіне Кеңқияқ ауылының тұрғыны Ардақ Құбашева жолдаған суретте 3 әйелдің бейнесі анық аңғарылады. Үстел басында Роза Сатанованың отырғанына қарағанда, сурет ауыл әкімінің кабинетінде түсірілген. Ардақ Құбашеваның айтуынша, терезеге арқасын беріп отырған ауылдастары “парақор” деп айыптап отырған әйел. Және ол осы жерде ауыл тұрғыны Ұлмеректен 2013 жылы алған 15 000 теңгесін қайтарып беріп отыр.
    -Гүлнұрдың мемлекеттік қызметкерге лайық емес қылықтары туралы мен биыл қаңтардың 19-ы күні Темір ауданының әкімі Бауыржан Қаниевтің есеп беру жиынында айттым. Ауыл әкім Роза Сатанованы да бірнеше мәрте құлағдар қылғанмын. Бірақ, осы кезге дейін әкімнің орынбасарына қатысты ешқандай шара қолданылған жоқ-дейді Ардақ Құбашева.
    Ал, Кеңқияқ ауылдық округінің әкімі Роза Сатанова өз орынбасарының мемлекеттік қызметкерге лайық емес қылықтарынан мүлдем хабарсыз екендігін айтты.
    -Ел не демейді. Өз басым ешкімнен ешқашан қызмет бабын пайдаланып ақша алған емеспін. Айналамдағы адамдардан күмәнданбайтыным да содан. Гүлнұрдың менің кабинетімде ауыл тұрғынына 15 000 теңгесін қайтарып бергені рас. Бірақ, Гүлнұр ол ақшаны Ұлмеректен қарызға алған-дейді Кеңқияқтың әкімі Роза Сатанова.
    Ауыл әкімінің сөзіне қарағанда, Гүлнұр биыл наурыздың 11-і күні өз еркімен қызметінен кетті. Роза Сатанова өз қарауындағы қызметкердің неліктен ондай шешім қабылдағандығын білмейді. Ал, Гүлнұрды “парақор” деп айыптап отырған тұрғындар қаржы полициясына шағымданбақ.

    Ұқсас жаңалықтар
  • Мұғалім оқушыны ұрды деп айыпталды
  • Кеңқияқта тұрғын үйдің терезесіне оқ атылды
  • Балабақшадан орын алу құны 30-100 мың теңге ме?
  • Хлебодардың мал-жаны бруцеллезбен ауырып жатыр
  • Жайсаңбай ауылы ауыз судан қиналып отыр
  • Пікір
kerek info kerek info
Фотогалерея
Ой-өріс
Әр мамандықтың өсу кезеңі, өлу кезеңі, өшу кезеңі болады.

Әр мамандықтың өсу кезеңі, өлу кезеңі, өшу кезеңі болады.

Мысалы, кассир мен телефонист мамандығы қысқарып қалды. Банктегі кассирлерді терминалдар ауыстырды....

Баян Сәрсембина kerek info

Керек TV
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл
Ең көп оқылған

Тұрғындар шенеунікті “парақор” деп айыптады


Тұрғындар шенеунікті  “парақор” деп айыптады
Кеңқияқ ауылының тұрғындары селолық әкімдік қызметкері Гүлнұрды (есімі өзгертілген) “парақор” деп айыптап отыр. Айтуларынша, шенеунік тұрғындардың баласын бақшаға орналастырамын, жұмыс тауып беремін деген желеумен сомасы әртүрлі қаражат алып отырған.

- Акиматтағы Гүлнұр 2014 жылғы тамыз айында жолдасым Хамзаны жұмысқа тұрғызып беремін деп 100 000 теңге сұрады. Өзімізде ондай ақша қайдан болсын? Қайынінімнен қарызға алдым. Содан бері 8 ай өтті. Не ақшамды қайтармайды, не жұмыс тауып берген жоқ-дейді Ләйлә Құрманова.
4 баланың анасы Ләйләнің өзі де жұмыссыз. Сөзіне қарағанда, отбасы мүшелері ай сайын берілетін 12 мың теңге жәрдемақымен күнелтуде. Банктегі несиесі мен коммуналдық төлемдері күн сайын өсіп жатыр.
Ләйлә Құрманованың сөзіне қарағанда, әкімдік қызметкері үйіне телефон шалып, көмекшісін жіберетіндігін хабарлаған. Ләйлә көмекші қыздан конвертке салып, 100 000 теңге беріп жібергенін айтады.
- Кілең 5 мыңдықтар болатын.Өз қолыммен 100 000 теңгені санап бердім. Гүлнұр маған “Негізі ол 200 000 теңгенің жұмысы еді. Мен сіздердің әлеуметтік жағдайларыңызды ескеріп отырмын” деді. Содан бері ол мені күнде ертеңмен тойдырып келеді. Соңғы кезде қалта телефонына қоңырау шалсам, тұтқаны мүлдем көтермейтін болды-дейді жұмыссыз әйел.
Кеңқияқ ауылдық округінің қызметкері Гүлнұрды “парақор” деп айыптап отырған тағы бір тұрғынның есімі-Ұлмерек. Ол үлкен немересі Нұрасылды балабақшаға орналастыру үшін әкімдік қызметкері өзінен 15 000 теңге теңге алғандығын айтады. Бұл оқиға 2013 жылғы маусым айында болған.
-2014 жылғы маусым айында екінші немерем Мединаның балабақшадағы кезегі кеп тұрған болатын. Гүлнұр ақша дәметіп, Мединаға жолдама бермей қойды. Мен шу шығарып, ауыл әкімі Роза Сатанованың кабинетіне бардым. Мәселем содан кейін ғана шешілді.Сол жерде Гүлнұр 2013 жылғы маусымда менен алған 15 000 теңгесін қайтарып берді. Бірақ, кешірім сұраған жоқ-дейді Ұлмерек.
“Керек.info” тілшісіне Кеңқияқ ауылының тұрғыны Ардақ Құбашева жолдаған суретте 3 әйелдің бейнесі анық аңғарылады. Үстел басында Роза Сатанованың отырғанына қарағанда, сурет ауыл әкімінің кабинетінде түсірілген. Ардақ Құбашеваның айтуынша, терезеге арқасын беріп отырған ауылдастары “парақор” деп айыптап отырған әйел. Және ол осы жерде ауыл тұрғыны Ұлмеректен 2013 жылы алған 15 000 теңгесін қайтарып беріп отыр.
-Гүлнұрдың мемлекеттік қызметкерге лайық емес қылықтары туралы мен биыл қаңтардың 19-ы күні Темір ауданының әкімі Бауыржан Қаниевтің есеп беру жиынында айттым. Ауыл әкім Роза Сатанованы да бірнеше мәрте құлағдар қылғанмын. Бірақ, осы кезге дейін әкімнің орынбасарына қатысты ешқандай шара қолданылған жоқ-дейді Ардақ Құбашева.
Ал, Кеңқияқ ауылдық округінің әкімі Роза Сатанова өз орынбасарының мемлекеттік қызметкерге лайық емес қылықтарынан мүлдем хабарсыз екендігін айтты.
-Ел не демейді. Өз басым ешкімнен ешқашан қызмет бабын пайдаланып ақша алған емеспін. Айналамдағы адамдардан күмәнданбайтыным да содан. Гүлнұрдың менің кабинетімде ауыл тұрғынына 15 000 теңгесін қайтарып бергені рас. Бірақ, Гүлнұр ол ақшаны Ұлмеректен қарызға алған-дейді Кеңқияқтың әкімі Роза Сатанова.
Ауыл әкімінің сөзіне қарағанда, Гүлнұр биыл наурыздың 11-і күні өз еркімен қызметінен кетті. Роза Сатанова өз қарауындағы қызметкердің неліктен ондай шешім қабылдағандығын білмейді. Ал, Гүлнұрды “парақор” деп айыптап отырған тұрғындар қаржы полициясына шағымданбақ.

Ұқсас жаңалықтар
  • Мұғалім оқушыны ұрды деп айыпталды
  • Кеңқияқта тұрғын үйдің терезесіне оқ атылды
  • Балабақшадан орын алу құны 30-100 мың теңге ме?
  • Хлебодардың мал-жаны бруцеллезбен ауырып жатыр
  • Жайсаңбай ауылы ауыз судан қиналып отыр
  • Пікір
    ^ Үстіге