Ақтөбелік “қызым Сирияға кеткен болуы мүмкін” деп күдіктенеді


    Ақтөбелік “қызым Сирияға кеткен болуы мүмкін” деп күдіктенеді

    Ақтөбе қаласының тұрғыны Айзада Тасмұханова “қызым Сирияға кетіп қалған болуы мүмкін” деп күдіктенеді. Наурыздың 22-сінен бері жалғыз қызының бір хабарын біле алмай отырған әйел кімнен көмек сұрарын білмей дал.

    Ақтөбе қаласының 24 жастағы тұрғыны Эльмира былтыр қараша айында қарағандылық жігітке тұрмысқа шыққан. Анасы Айзаданың айтуынша, қызы дін жолын ұстанатын жігітпен WhatsApp арқылы танысыпты. Араға 1 апта салып, некелерін қидырған. Күйеу жігіт Қарағанды облысы Қарқаралы ауданы Қарағайлы ауылының тумасы.

    - Қызым қаладағы “ Айна” сауда үйінде киім сататын. Намаз оқитын, жұмыстан кейін “Нұрдәулет “ мешітіне барып жүрді. Қарағандылық Азаматпен танысқан соң Эльмира Дарын Мубаровпен ақылдасқан. Қызым Дарын Мубаровтың діни уағыздарын жиі тыңдап, әр сөзін қадірлейтін. Азамат туралы Дарын “жаман жігіт емес” дегеннен кейін Эльмира өзінен 11 жас үлкен жігітке тұрмысқа шығуға шешім қабылдады. Асығыстық жасама деп айтқанбыз. Бірақ, дін жолын ұстанатын 3 жігіт жұмысына келіп, қорқытып жүріпті. Солардан сескенсе керек. Әлгілердің бірі қызымды екінші әйел етіп алғысы келген,-дейді Айзада.

    Туыстарының айтуынша, Эльмира 2009 жылдан бастап дінге бет бұрған. Бұл-оның екінші некесі. Осыдан екі жыл бұрын Қарғалы ауданы Қайрақты ауылында тұратын имамға екінші әйелдікке кеткен болатын. Онысы сәтсіз болды-дейді анасы.

    -Эльмираның шешіміне бәріміз қарсы болдық. Екінші рет адасқанын қаламадық. Қызым жылап-еңіреп алған бетінен қайтпады. Қарағандыға барғасын Азамат екеуі мұсылмандық жолмен некелерін қидырған. Ара-тұра амандығын білдіріп тұрды. Бізбен жанында жолдасы бар кезде ғана сөйлесетін. Онысын “Біз бір- бірімізге сенеміз” деп түсіндіретін. 22 наурызда соңғы рет сөйлестік. Содан бері хабар да, ошар да жоқ. Екеуінің де телефондары сөндірулі. Қайда кеткендерінен жігіттің әке-шешесі де бейхабар.

    Айзада Тасмұханова қызынан хабар болмағалы күндіз күлкі, түнде ұйқыдан айрылғанын айтады. Қарағандыдағы құдасына да әлсін-әлсін хабарласып отыр.

    - Соңғы хабарласқанымызда, құдам олардың шетелге шығатын төлқұжат әзірлегендіктерін айтты. Тіпті көліктерін де сатқан. Азамат бір сөзінде әке-шешесінің айтқанын тыңдамайтынын да айтып қалған еді. Бір сөзінде қызым қара киім кимек ойы бар екенін айтты. Өзім де намаз оқимын. Алайда, мұсылмандардың олай киінбейтіндігін айтып, қызыма түсіндіруге тырыстым. Осындай сөздеріне қарап, көңіліме күдік кіре бастады. Соңғы кезде неше түрлі жағдайларды естіп те, көріп те жүрміз. Екеуі жетектесіп, Сирияға кетіп қалмаса жақсы- дейді Эльмира Тасмұханованың анасы .

    Әзірге Эльмира мен оның күйеуі Азаматтың қайда кеткендігі беймәлім. Туыстарының айтуынша, оларды Қарағанды облысының құқық қорғау органдары мен Ұлттық Қауіпсіздік комитетінің қызметкерлері іздестіріп жатыр. Құдасымен 11 сәуір күні телефон арқылы сөйлескен Айзада “ Олар Қазақстанда жоқ көрінеді. Шетелге шығатын төлқұжатты қаңтардың 5-күні алған. Қарағандыда тұратын жездесіне “Астанаға жұмысқа кетіп бара жатырмыз” депті. Ұшақпен ұшпаған. Ауғанстанға автобуспен кеткен сияқты” дейді.

    Эльмираның туыстары жергілікті құқық қорғау органдарына да шағымданған. Алайда , олардан да әзір ауыз тұщытатын жауап жоқ. Айзада Елек полиция бөлімінің қызметкерлерінен “Қарағандыдағы ІІБ сұраныс жібереміз. Сіздің қызыңыз Қарағанды облысының аумағында жоғалғандықтан, сол жердегі құзырлы орган іздестіру жүргізуі керек” деген жауап алған.

    Жергілікті полиция қала тұрғыны Айзада Тасмұхановадан қызының хабарсыз кетуіне орай арыз түскендігін растады. Ақтөбе облыстық ІІД бастығының орынбасары Рахат Ахановтың сөзіне қарағанда, қазір мәселенің мән-жайы тексеріліп жатыр.

    Ұқсас жаңалықтар
  • Ойылдағы қыстаққа шабуыл жасаған азаматқа үкім шықты
  • Кәсіпкердің өліміне қатысты іс сотта қаралып жатыр
  • “Болашағы жоқ” ауылдардың тағдыры беймәлім күйінде
  • Полиция қызметкерлері сотталды
  • Үш әйелі бар азамат: Мен жаңалық ашқаным жоқ!
  • Пікір
kerek info kerek info
Фотогалерея
Ой-өріс
Әр мамандықтың өсу кезеңі, өлу кезеңі, өшу кезеңі болады.

Әр мамандықтың өсу кезеңі, өлу кезеңі, өшу кезеңі болады.

Мысалы, кассир мен телефонист мамандығы қысқарып қалды. Банктегі кассирлерді терминалдар ауыстырды....

Баян Сәрсембина kerek info

Керек TV
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл
Ең көп оқылған

Ақтөбелік “қызым Сирияға кеткен болуы мүмкін” деп күдіктенеді


Ақтөбелік “қызым Сирияға кеткен болуы мүмкін” деп күдіктенеді

Ақтөбе қаласының тұрғыны Айзада Тасмұханова “қызым Сирияға кетіп қалған болуы мүмкін” деп күдіктенеді. Наурыздың 22-сінен бері жалғыз қызының бір хабарын біле алмай отырған әйел кімнен көмек сұрарын білмей дал.

Ақтөбе қаласының 24 жастағы тұрғыны Эльмира былтыр қараша айында қарағандылық жігітке тұрмысқа шыққан. Анасы Айзаданың айтуынша, қызы дін жолын ұстанатын жігітпен WhatsApp арқылы танысыпты. Араға 1 апта салып, некелерін қидырған. Күйеу жігіт Қарағанды облысы Қарқаралы ауданы Қарағайлы ауылының тумасы.

- Қызым қаладағы “ Айна” сауда үйінде киім сататын. Намаз оқитын, жұмыстан кейін “Нұрдәулет “ мешітіне барып жүрді. Қарағандылық Азаматпен танысқан соң Эльмира Дарын Мубаровпен ақылдасқан. Қызым Дарын Мубаровтың діни уағыздарын жиі тыңдап, әр сөзін қадірлейтін. Азамат туралы Дарын “жаман жігіт емес” дегеннен кейін Эльмира өзінен 11 жас үлкен жігітке тұрмысқа шығуға шешім қабылдады. Асығыстық жасама деп айтқанбыз. Бірақ, дін жолын ұстанатын 3 жігіт жұмысына келіп, қорқытып жүріпті. Солардан сескенсе керек. Әлгілердің бірі қызымды екінші әйел етіп алғысы келген,-дейді Айзада.

Туыстарының айтуынша, Эльмира 2009 жылдан бастап дінге бет бұрған. Бұл-оның екінші некесі. Осыдан екі жыл бұрын Қарғалы ауданы Қайрақты ауылында тұратын имамға екінші әйелдікке кеткен болатын. Онысы сәтсіз болды-дейді анасы.

-Эльмираның шешіміне бәріміз қарсы болдық. Екінші рет адасқанын қаламадық. Қызым жылап-еңіреп алған бетінен қайтпады. Қарағандыға барғасын Азамат екеуі мұсылмандық жолмен некелерін қидырған. Ара-тұра амандығын білдіріп тұрды. Бізбен жанында жолдасы бар кезде ғана сөйлесетін. Онысын “Біз бір- бірімізге сенеміз” деп түсіндіретін. 22 наурызда соңғы рет сөйлестік. Содан бері хабар да, ошар да жоқ. Екеуінің де телефондары сөндірулі. Қайда кеткендерінен жігіттің әке-шешесі де бейхабар.

Айзада Тасмұханова қызынан хабар болмағалы күндіз күлкі, түнде ұйқыдан айрылғанын айтады. Қарағандыдағы құдасына да әлсін-әлсін хабарласып отыр.

- Соңғы хабарласқанымызда, құдам олардың шетелге шығатын төлқұжат әзірлегендіктерін айтты. Тіпті көліктерін де сатқан. Азамат бір сөзінде әке-шешесінің айтқанын тыңдамайтынын да айтып қалған еді. Бір сөзінде қызым қара киім кимек ойы бар екенін айтты. Өзім де намаз оқимын. Алайда, мұсылмандардың олай киінбейтіндігін айтып, қызыма түсіндіруге тырыстым. Осындай сөздеріне қарап, көңіліме күдік кіре бастады. Соңғы кезде неше түрлі жағдайларды естіп те, көріп те жүрміз. Екеуі жетектесіп, Сирияға кетіп қалмаса жақсы- дейді Эльмира Тасмұханованың анасы .

Әзірге Эльмира мен оның күйеуі Азаматтың қайда кеткендігі беймәлім. Туыстарының айтуынша, оларды Қарағанды облысының құқық қорғау органдары мен Ұлттық Қауіпсіздік комитетінің қызметкерлері іздестіріп жатыр. Құдасымен 11 сәуір күні телефон арқылы сөйлескен Айзада “ Олар Қазақстанда жоқ көрінеді. Шетелге шығатын төлқұжатты қаңтардың 5-күні алған. Қарағандыда тұратын жездесіне “Астанаға жұмысқа кетіп бара жатырмыз” депті. Ұшақпен ұшпаған. Ауғанстанға автобуспен кеткен сияқты” дейді.

Эльмираның туыстары жергілікті құқық қорғау органдарына да шағымданған. Алайда , олардан да әзір ауыз тұщытатын жауап жоқ. Айзада Елек полиция бөлімінің қызметкерлерінен “Қарағандыдағы ІІБ сұраныс жібереміз. Сіздің қызыңыз Қарағанды облысының аумағында жоғалғандықтан, сол жердегі құзырлы орган іздестіру жүргізуі керек” деген жауап алған.

Жергілікті полиция қала тұрғыны Айзада Тасмұхановадан қызының хабарсыз кетуіне орай арыз түскендігін растады. Ақтөбе облыстық ІІД бастығының орынбасары Рахат Ахановтың сөзіне қарағанда, қазір мәселенің мән-жайы тексеріліп жатыр.

Ұқсас жаңалықтар
  • Ойылдағы қыстаққа шабуыл жасаған азаматқа үкім шықты
  • Кәсіпкердің өліміне қатысты іс сотта қаралып жатыр
  • “Болашағы жоқ” ауылдардың тағдыры беймәлім күйінде
  • Полиция қызметкерлері сотталды
  • Үш әйелі бар азамат: Мен жаңалық ашқаным жоқ!
  • Пікір
    ^ Үстіге