Музей қызметкері “терроризмді насихаттағаны үшін” сотталды


    Музей қызметкері  “терроризмді  насихаттағаны үшін” сотталды
    Ақтөбелік археологқа “В контакте” әлеуметтік желісінде терроризмді насихаттағаны үшін айып тағылды. Сотталушының жасы 27-де. Істі болмас бұрын ол Ақтөбедегі облыстық тарихи-өлкетану музейінде ғылыми қызметкер болып еңбек еткен.

    Тергеу материалдарына қарағанда, Нұрхат Шілмағанбетов 2013 жылы әлеуметтік желіге діни алауыздықты қоздыратын бірнеше бейнеролик салған. Материалдарды орналастырып қана қоймай, Ирак пен Сирияда болып жатқан қарулы қақтығыстарды мадақтайтын түсініктеме де жазыпты.
    Ғаламторда “Динис” есімді интернет қолданушымен хат алмасқан ол Қазақстанды “кәпірлік” ел деп атап, қарулы “жихад” идеясын қолдаған. Оның Сирияда соғысып жүргенін мадақтаған. Тіпті тергеу барысында анықталмаған тұлғамен әңгіме барысында қарулы соғысқа шығудың жолдарын да іздестіріпті.
    Сотталушының “В контакте” әлеуметтік желісіндегі жеке парақшасына 55 адам жазылып, тұрақты түрде оқып тұрған. Бұған қоса ол 2014 жылы шілде-қыркүйек айларының аралығында лаңкестікке үндейтін 5 бейнеролик жариялап, оны бірнеше адамға таратқан. Оның арасында “В гостях у казахов”, “Секреты победоносной общины” және “Намерение и шаг на пути Аллаха” атты бейнероликтер бар. Тергеу археолог жігітке “жұртты Cирияға соғысқа шақырды” деген айып тақты.

    Тергеушілердің мәліметіне қарағанда, Нұрхат 2007-2008 жылдар аралығында ислам дінін қабылдаған. Сол кезден бастап дін жолын ұстанатын адамдармен тығыз қарым-қатынаста болған. Кейін радикалдық сипаттағы өзге ақпараттық материалдармен танысқан азамат интернет желісіндегі терроризм мен экстремизмді насихаттайтын бейнероликтер арқылы өзінің діни көзқарасын күрт өзгерткен.
    Сотталушы азамат – Ақтөбе облыстық тарихи-өлкетану музейінің қызметкері. Музей директоры Мейрам Дүйсенғали Нұрхаттың намаз оқитынын білгенін айтады. Алайда тәжірибелі маман әріптестеріне ешқандай уағыз айтпаған. “Тек жұмыс бабына байланысты ғана сөйлесетінбіз. Нұрхаттың тыйым салынған сайттарға кіріп, лаңкестікті насихаттап жүргенін білмедік”, - дейді ол.
    - Нұрхат 2013 жылы тарихи-өлкетану музейіне қосылған археология бөлімінде жұмыс істеді. Мен оны студент кезінен білетінмін. Соңғы жылдары ғылыми экспедиция құрамында Алға ауданындағы Сәпибұлақ, Қобда ауданындағы Бесоба, Төртоба, Ойыл ауданындағы Құмсай қорымдарында археологиялық қазба жұмыстарымен айналыс-ты. Аудандардағы барлау жұмыстарына қатысты. Теріс қылығын байқаған емеспіз. Маман ретінде өз ісіне мұқият болатын, -дейді Мейрам Нұрланұлы.

    Ақтөбе қаласының №2 соты 24 сәуір күні кәмелетке толмаған екі баланың әкесіне қатысты үкім шығарды. “Терроризмді насихаттады” деп айыпталған азамат 4 жылға бас бостандығынан айрылды. Ол өз жазасын жалпы режимдегі түзеу колониясында өтейді.
    Алайда, сотталушының туыстары үкімге разы емес. Анасының айтуынша, бейнеролик интернетте жарияланған кезде Нұрхат Ақтөбе облысының шалғай ауданында археологиялық қазба жұмыстарымен айналысқан. Яғни, қалада болмаған.

    - Ол жерде әлеуметтік желіге кіретіндей мүмкіндік жоқ. Ұлымның “В контакте” желісіндегі парақшасын бәз біреулердің бұзуы мүмкін. Өйткені оның паролі өте қарапайым болған. Әрі оның паролін біреулер интернетте жариялапты. Сондықтан бұл видеоны кез-келген адам салуы мүмкін.Одан бөлек ұлыма Ұлттық қауіпсіздік комитетінің қызметкерлері де қысым көрсетуі мүмкін. Мойындамаса, ұзақ жылға абақтыға қамалатынын айтыпты. Сондықтан сотқа аппелияциялық шағым түсіреміз,-дейді сотталушының анасы.
    Айта кетелік, Нұрхат Шілмағанбетов-жыл басынан бері терроризмді насихаттағаны үшін жазаға тартылған алғашқы ақтөбелік азамат. 2014 жылы 7 адам істі болып, оның 5-еуі бас бостандығынан айрылған. Ал екеуі шартты түрде сотталған. Лаңкестік бабымен айыпталғандардың басым бөлігі еш жерде жұмыс істемеген.

    Ұқсас жаңалықтар
  • VIP-таксисті өлтірген қылмыскерге үкім шықты
  • Әскери қызметкерден ақша талап еткен мұғалжарлық сотталды
  • Полиция қызметкерлері сотталды
  • Ақтөбеде Түркия азаматтары сотталды
  • Полицияны жармақ болған телефон лаңкесі сотталды
  • Пікір
kerek info kerek info
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл

Музей қызметкері “терроризмді насихаттағаны үшін” сотталды


Музей қызметкері  “терроризмді  насихаттағаны үшін” сотталды
Ақтөбелік археологқа “В контакте” әлеуметтік желісінде терроризмді насихаттағаны үшін айып тағылды. Сотталушының жасы 27-де. Істі болмас бұрын ол Ақтөбедегі облыстық тарихи-өлкетану музейінде ғылыми қызметкер болып еңбек еткен.

Тергеу материалдарына қарағанда, Нұрхат Шілмағанбетов 2013 жылы әлеуметтік желіге діни алауыздықты қоздыратын бірнеше бейнеролик салған. Материалдарды орналастырып қана қоймай, Ирак пен Сирияда болып жатқан қарулы қақтығыстарды мадақтайтын түсініктеме де жазыпты.
Ғаламторда “Динис” есімді интернет қолданушымен хат алмасқан ол Қазақстанды “кәпірлік” ел деп атап, қарулы “жихад” идеясын қолдаған. Оның Сирияда соғысып жүргенін мадақтаған. Тіпті тергеу барысында анықталмаған тұлғамен әңгіме барысында қарулы соғысқа шығудың жолдарын да іздестіріпті.
Сотталушының “В контакте” әлеуметтік желісіндегі жеке парақшасына 55 адам жазылып, тұрақты түрде оқып тұрған. Бұған қоса ол 2014 жылы шілде-қыркүйек айларының аралығында лаңкестікке үндейтін 5 бейнеролик жариялап, оны бірнеше адамға таратқан. Оның арасында “В гостях у казахов”, “Секреты победоносной общины” және “Намерение и шаг на пути Аллаха” атты бейнероликтер бар. Тергеу археолог жігітке “жұртты Cирияға соғысқа шақырды” деген айып тақты.

Тергеушілердің мәліметіне қарағанда, Нұрхат 2007-2008 жылдар аралығында ислам дінін қабылдаған. Сол кезден бастап дін жолын ұстанатын адамдармен тығыз қарым-қатынаста болған. Кейін радикалдық сипаттағы өзге ақпараттық материалдармен танысқан азамат интернет желісіндегі терроризм мен экстремизмді насихаттайтын бейнероликтер арқылы өзінің діни көзқарасын күрт өзгерткен.
Сотталушы азамат – Ақтөбе облыстық тарихи-өлкетану музейінің қызметкері. Музей директоры Мейрам Дүйсенғали Нұрхаттың намаз оқитынын білгенін айтады. Алайда тәжірибелі маман әріптестеріне ешқандай уағыз айтпаған. “Тек жұмыс бабына байланысты ғана сөйлесетінбіз. Нұрхаттың тыйым салынған сайттарға кіріп, лаңкестікті насихаттап жүргенін білмедік”, - дейді ол.
- Нұрхат 2013 жылы тарихи-өлкетану музейіне қосылған археология бөлімінде жұмыс істеді. Мен оны студент кезінен білетінмін. Соңғы жылдары ғылыми экспедиция құрамында Алға ауданындағы Сәпибұлақ, Қобда ауданындағы Бесоба, Төртоба, Ойыл ауданындағы Құмсай қорымдарында археологиялық қазба жұмыстарымен айналыс-ты. Аудандардағы барлау жұмыстарына қатысты. Теріс қылығын байқаған емеспіз. Маман ретінде өз ісіне мұқият болатын, -дейді Мейрам Нұрланұлы.

Ақтөбе қаласының №2 соты 24 сәуір күні кәмелетке толмаған екі баланың әкесіне қатысты үкім шығарды. “Терроризмді насихаттады” деп айыпталған азамат 4 жылға бас бостандығынан айрылды. Ол өз жазасын жалпы режимдегі түзеу колониясында өтейді.
Алайда, сотталушының туыстары үкімге разы емес. Анасының айтуынша, бейнеролик интернетте жарияланған кезде Нұрхат Ақтөбе облысының шалғай ауданында археологиялық қазба жұмыстарымен айналысқан. Яғни, қалада болмаған.

- Ол жерде әлеуметтік желіге кіретіндей мүмкіндік жоқ. Ұлымның “В контакте” желісіндегі парақшасын бәз біреулердің бұзуы мүмкін. Өйткені оның паролі өте қарапайым болған. Әрі оның паролін біреулер интернетте жариялапты. Сондықтан бұл видеоны кез-келген адам салуы мүмкін.Одан бөлек ұлыма Ұлттық қауіпсіздік комитетінің қызметкерлері де қысым көрсетуі мүмкін. Мойындамаса, ұзақ жылға абақтыға қамалатынын айтыпты. Сондықтан сотқа аппелияциялық шағым түсіреміз,-дейді сотталушының анасы.
Айта кетелік, Нұрхат Шілмағанбетов-жыл басынан бері терроризмді насихаттағаны үшін жазаға тартылған алғашқы ақтөбелік азамат. 2014 жылы 7 адам істі болып, оның 5-еуі бас бостандығынан айрылған. Ал екеуі шартты түрде сотталған. Лаңкестік бабымен айыпталғандардың басым бөлігі еш жерде жұмыс істемеген.

Ұқсас жаңалықтар
  • VIP-таксисті өлтірген қылмыскерге үкім шықты
  • Әскери қызметкерден ақша талап еткен мұғалжарлық сотталды
  • Полиция қызметкерлері сотталды
  • Ақтөбеде Түркия азаматтары сотталды
  • Полицияны жармақ болған телефон лаңкесі сотталды
  • Пікір
    ^ Үстіге