«Анашым, бәрі жақсы болады!»


    Ол – ақтөбеліктерге танымал кондитер. Еңбектенуден шаршамайтын адам, сүйікті ана, жұмсақ басшы. Өзінің мамандығы мүлдем басқа болса да, осы салаға бет бұрғанына дән риза. Оны клиенттері талай алдап кетсе де, адамдарға деген сенімін жоғалтпаған. Ол Ақтөбедегі той-томалақтың эксклюзивті тортын пісіріп жүрген кондитер - Самал Асанова.
    «Анашым, бәрі жақсы болады!»

    Бүгінгі кейіпкерімізді бірнеше өңірдің қыз-келіншектері жақсы таниды. Өйткені ол Қазақстанның қалаларын аралап жүріп, торт пісіруден мастер-класс өткізеді. Заман талабына сай инстаграм желісінде өте белсенді. «Тәттісүйер» қауымның сүйіктісіне айналған кондитер өз оқиғасымен бөлісті.

    «Бауырсақ пісіру білмедім»
    Туған жерім Шалқар қаласы, руым төртқара. Бірақ он екі жасымнан бері Ақтөбеде тұрамын, физмат мектеп-интернатында оқыдым. Ақтөбеде политехникалық колледжде, кейін Алматыда оқып, жұмыс жасадым. Ажырасу себебімен Ақтөбеге оралдым. Отбасыда төрт ағайындымыз: ағам, апам және інім бар. Біздің үйдің адамдарының бәрі кәсіпкер, бірақ торт пісіретін адам жоқ. Мен торт түгілі бауырсақ пісіріп көрмегем. Жалпы тамақ даярлауға да онша араласпадым. Себебі - үйден сыртта оқығаным болған шығар. Бірақ сабағымды жақсы оқыдым. Қызыл дипломмен екі мамандық бойынша бітірдім. Бірінші мамандығым мұнай саласы болса, екінші мамандығым ақпараттық жүйе саласында. Өзім шығармашылыққа жақын болғандықтан техникалық мамандықты онша қатты ұнатпадым. Студенттік шағымда сатушы-консультант болып көп жұмыс жасадым. Соның арқасында менде маркетологтық қасиет бар. Ал торт пісіруге 29 жасымда келіппін. Онда да ол ойда жоқта «балама дәмді бірнәрсе пісіріп көрейінші» деп басталды. Ғаламтордан қарап, бастап көрдім. Қызығып кеттім, «неге маған да жасап көрмеске?» деген ой пайда болды. Инстаграмға алғаш салған кездері достарым «қолынан ештеңе келмейтін Самал қалай торт пісіріп жүр?» деп таңқалатын. Кезінде жұмысымдағы бастығым «сен осы саладан үлкен биіктен көрінетін сияқтысың» дегенде, мен оған «жұмыстан шығарғысы келіп жүр ме» деп ренжіп қалғанмын (күлді-ред).
    «Анашым, бәрі жақсы болады!»

    «Торт пісіргенде бәрін ұмытып кетемін»
    «Қазтелерадиода» бас маман болып жұмыс жасадым. Бірақ ол саланың қызығы басылды ма білмеймін, тортқа көбірек қызыға бастадым. Барлық тапқан қаражатымды мастер-кластарға жұмсайтынмын. Осы күнге дейін 20-дан аса мастер-класқа қатыстым. Қазір жетістікке жеткің келсе, бірінші кезекте білім керек. Бизнес бастасаңыз да, ең бірінші өзіңізге салым салу керек. Білімге кеткен қаражат кейін мың еселеп қайтады. Мен қызығушылықпен бастадым. Көп нәрсені үйренгім келді. Әрине бұл саланы таңдағанымда жақындарым қарсы болды. Олар мен үшін алаңдады. Бірақ мен торт пісірген кезде бәрін ұмытып кетемін. Адамда ең бастысы ынта болуы керек. Әсіресе әйел затының өзінің сүйікті ісі болуы тиіс. Ең алғашқы тортымды жиенімнің туған күніне арнап пісірдім. «Сатылымға шығарамын» деген ой болған жоқ. Мен қандай бір қуанышты сәт болса, бірден бөліскенді ұнатамын. Әр туған күнге барған сайын торт апаратын әдет шығарып алдым. Сөйтіп жүргенде торттың дәмін көргендер жайлап тапсырыс бере бастады. Бір күні жол апатынан кейін «неге маған қосымша табыс таппасқа?» деген ой келді. Инстаграмымды samal_cakes деп қоя салдым. Қалай аккаунт атауын өзгерттім, содан тұтынушылар да пайда болды. Бастапқыда аптасына бір клиент болған шығар, соның өзі маған үлкен қызығушылық болды. Негізінде суретті жақсы саламын және мастикамен жұмыс жасауға икемім бар. Өзім күндіз таңғы сағат 8-ден кешкі 5-ке дейін жұмыстамын. Түнімен торт пісіремін. Кейін қыздарға мастер-кластар өткізе бастадым. Үй шаңырағында 190 мастер-класс өткізіппін. Ал қазір оның саны 250-ден асып кетті. Сонда 4 мыңға жуық қыз-келіншекті оқытыппын. Жалғыз Ақтөбеде емес, қала аралап кеттім. Ақтау, Алматы, Шымкент және өмірі аяқ баспаған Қостанайға барып, мастер-класс өткіздім. Сөйтіп торттың арқасында көптеген қалаларға барып қайттым. Онда үйренуге және үйретуге барамын. Бұл кәсіпті 2017 жылдың көктемінен бастап нақты қолға алдым. Осы саланы дұрыс таңдағаныма сенімдімін. Кішкентай кезімнен сыйлық жасағанды, қуантқанды жақсы көремін. Бастапқы кезде балалары ДЦП-мен ауыратын аналарға бірнеше рет тегін мастер-кластар өткіздім.

    «Анашым, бізде бәрі жақсы болады»
    Алдымен Алланың қолдауымен, кейін елдің алғысы мен батасынан болар, ісім алға басты. Қазір бұның бәрі болмаған сияқты, бірақ талай жылаған күндерім болды. Оңай дүние емес, еңбек көп керек. Бірақ мен сондай адаммын, «артқа шегінуге жол жоқ» деп алға баса беремін. Адамдардағы үш қасиетті ерекше бағалаймын: адамгершілік, адалдық және еңбекқорлық. Небір қиын жағдайлар болды. Тортты алып, ақшасын төлемеген клиенттер де болды. Біреу алғысын айтып жатса, бірі сынын айтады. Торт әлеміне кіргеннен кейін шығу қиын екен. Байқағаным, менде тапсырыс көбеймесе, азайған емес. Бастапқыда тұрақты жұмысымнан шығуға қорқыныш болды. Себебі басымда несием бар, жалғызбасты анамын. Бір-екі клиенттен сөз естіп қалдым, тапсырысқа үлгермей жаттым. Алдымда жұмыс немесе тапсырыс деген таңдау тұрды. Қазір тек қана торт пісірумен айналысамын. Ұлымның әкесінің ұлты - ұйғыр. Балам онымен араласпайды. Өйткені әкесі өзі келмейді. Әрине бұл балаға да, маған да ауыр тиеді. Бірақ мен оны мәжбүрлей алмаймын ғой. Дәм-тұзымыз жараспады, ажырасып кеттік. Құдайға мың да бір шүкір етемін. Адамның негізі шын ниеті түзу болса, адал еңбек етсе, оның жолы әрқашан ашық. Қазіргі заманда ажырасу көп. Ажырасқан аналар 3-4 баламен өздері қалып қояды. Алимент алмайтындары бар, мен өзім алмаймын. Сондай қиын шақта аналар басқа жолға түсіп кететіндері бар. Оларға «ең бірінші балаңызды ойлаңыз» деп айтамын. Ана ең бірінші баласын ойласа, ол жетістікке жетеді. Мен түнде үйге шаршап келсем, ұлым төсегімді салып, үнемі күтіп жатады. Өзі ақылды, әкесін де түсінеді. Талай қиналған кезде «мама, у нас все будет хорошо» деп көңілімді аулайды. Қиналған кезде ұлыма қарап күш аламын.
    «Анашым, бәрі жақсы болады!»
    «Әлем таныса деймін»
    Адамда айқын мақсат болуы керек, онсыз өмірдің мәні жоқ. Тырысса бәрі де болады. Біркүндік өмір сүру мүмкін емес. Мен әрбір қолдаудан кейін одан да үлкен нәрселер жасауға шабыттанып кетемін. Мастер класқа енелері келіндерін, күйеулері әйелдерін жібереді, тұрмыс құрғалы жүрген қыздар келеді. Қазір адамдар үйде пісірілген тамақты таңдайды. Мен дипломсыз кондитермін, торт пісіруді мастер-кластардан ғана үйрендім. Өзіме көп сын айтамын. Әрбір жасаған торт маған ұнамай отырады. Кондитерлік істің бір қызықтыратыны: бір нәрседен тоқтап қалмайсың, бағыттары өте көп. Әлемдік брендке шығуды армандаймын. Бұрын торт істеу, одан кейін студия ашу арман болды. Енді цех ашуды жоспарлап жүрмін. Ол да бір сауапты іс деп ойлаймын. Себебі бұл іспен адамдарды жұмыспен қамтамасыз етесің. Логотиппен әлі жұмыс жасап жатырмын. Тапсырыс әсіресе жаз айларында көп түседі. Қазірдің өзінде тапсырыс бір ай бұрын қабылданады. Ең үлкен торттың биіктігі 3,5 метр болды. Ал бағасы 4,5 мыңнан бастап, 500 мыңға дейін барады. Өзімді әзірше тек осы саладан көремін. Негізі бұны ұлым үшін деп бастаған едім. Қазір ұлыма қарайтын уақыт жоқ (күлді-ред). Менің арманым – авторлық рецепт шығару және әлемдік брэндке шығу. Ол үшін тыңбай еңбектенемін.


    Әңгімеңізге рахмет! Ісіңізге береке берсін!

    Ұқсас жаңалықтар
  • Ақтөбелік оқушылар жүлдемен оралды
  • Ақтөбелік оқушылар суық мектепте оқуға мәжбүр
  • Ұбт: биыл қандай өзгерістер бар?
  • Бірінші сыныптың білімі балдық жүйемен бағаланады
  • Ақтөбеде қыздар лицейі ашылады
  • Пікір
kerek info kerek info
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл

«Анашым, бәрі жақсы болады!»


Ол – ақтөбеліктерге танымал кондитер. Еңбектенуден шаршамайтын адам, сүйікті ана, жұмсақ басшы. Өзінің мамандығы мүлдем басқа болса да, осы салаға бет бұрғанына дән риза. Оны клиенттері талай алдап кетсе де, адамдарға деген сенімін жоғалтпаған. Ол Ақтөбедегі той-томалақтың эксклюзивті тортын пісіріп жүрген кондитер - Самал Асанова.
«Анашым, бәрі жақсы болады!»

Бүгінгі кейіпкерімізді бірнеше өңірдің қыз-келіншектері жақсы таниды. Өйткені ол Қазақстанның қалаларын аралап жүріп, торт пісіруден мастер-класс өткізеді. Заман талабына сай инстаграм желісінде өте белсенді. «Тәттісүйер» қауымның сүйіктісіне айналған кондитер өз оқиғасымен бөлісті.

«Бауырсақ пісіру білмедім»
Туған жерім Шалқар қаласы, руым төртқара. Бірақ он екі жасымнан бері Ақтөбеде тұрамын, физмат мектеп-интернатында оқыдым. Ақтөбеде политехникалық колледжде, кейін Алматыда оқып, жұмыс жасадым. Ажырасу себебімен Ақтөбеге оралдым. Отбасыда төрт ағайындымыз: ағам, апам және інім бар. Біздің үйдің адамдарының бәрі кәсіпкер, бірақ торт пісіретін адам жоқ. Мен торт түгілі бауырсақ пісіріп көрмегем. Жалпы тамақ даярлауға да онша араласпадым. Себебі - үйден сыртта оқығаным болған шығар. Бірақ сабағымды жақсы оқыдым. Қызыл дипломмен екі мамандық бойынша бітірдім. Бірінші мамандығым мұнай саласы болса, екінші мамандығым ақпараттық жүйе саласында. Өзім шығармашылыққа жақын болғандықтан техникалық мамандықты онша қатты ұнатпадым. Студенттік шағымда сатушы-консультант болып көп жұмыс жасадым. Соның арқасында менде маркетологтық қасиет бар. Ал торт пісіруге 29 жасымда келіппін. Онда да ол ойда жоқта «балама дәмді бірнәрсе пісіріп көрейінші» деп басталды. Ғаламтордан қарап, бастап көрдім. Қызығып кеттім, «неге маған да жасап көрмеске?» деген ой пайда болды. Инстаграмға алғаш салған кездері достарым «қолынан ештеңе келмейтін Самал қалай торт пісіріп жүр?» деп таңқалатын. Кезінде жұмысымдағы бастығым «сен осы саладан үлкен биіктен көрінетін сияқтысың» дегенде, мен оған «жұмыстан шығарғысы келіп жүр ме» деп ренжіп қалғанмын (күлді-ред).
«Анашым, бәрі жақсы болады!»

«Торт пісіргенде бәрін ұмытып кетемін»
«Қазтелерадиода» бас маман болып жұмыс жасадым. Бірақ ол саланың қызығы басылды ма білмеймін, тортқа көбірек қызыға бастадым. Барлық тапқан қаражатымды мастер-кластарға жұмсайтынмын. Осы күнге дейін 20-дан аса мастер-класқа қатыстым. Қазір жетістікке жеткің келсе, бірінші кезекте білім керек. Бизнес бастасаңыз да, ең бірінші өзіңізге салым салу керек. Білімге кеткен қаражат кейін мың еселеп қайтады. Мен қызығушылықпен бастадым. Көп нәрсені үйренгім келді. Әрине бұл саланы таңдағанымда жақындарым қарсы болды. Олар мен үшін алаңдады. Бірақ мен торт пісірген кезде бәрін ұмытып кетемін. Адамда ең бастысы ынта болуы керек. Әсіресе әйел затының өзінің сүйікті ісі болуы тиіс. Ең алғашқы тортымды жиенімнің туған күніне арнап пісірдім. «Сатылымға шығарамын» деген ой болған жоқ. Мен қандай бір қуанышты сәт болса, бірден бөліскенді ұнатамын. Әр туған күнге барған сайын торт апаратын әдет шығарып алдым. Сөйтіп жүргенде торттың дәмін көргендер жайлап тапсырыс бере бастады. Бір күні жол апатынан кейін «неге маған қосымша табыс таппасқа?» деген ой келді. Инстаграмымды samal_cakes деп қоя салдым. Қалай аккаунт атауын өзгерттім, содан тұтынушылар да пайда болды. Бастапқыда аптасына бір клиент болған шығар, соның өзі маған үлкен қызығушылық болды. Негізінде суретті жақсы саламын және мастикамен жұмыс жасауға икемім бар. Өзім күндіз таңғы сағат 8-ден кешкі 5-ке дейін жұмыстамын. Түнімен торт пісіремін. Кейін қыздарға мастер-кластар өткізе бастадым. Үй шаңырағында 190 мастер-класс өткізіппін. Ал қазір оның саны 250-ден асып кетті. Сонда 4 мыңға жуық қыз-келіншекті оқытыппын. Жалғыз Ақтөбеде емес, қала аралап кеттім. Ақтау, Алматы, Шымкент және өмірі аяқ баспаған Қостанайға барып, мастер-класс өткіздім. Сөйтіп торттың арқасында көптеген қалаларға барып қайттым. Онда үйренуге және үйретуге барамын. Бұл кәсіпті 2017 жылдың көктемінен бастап нақты қолға алдым. Осы саланы дұрыс таңдағаныма сенімдімін. Кішкентай кезімнен сыйлық жасағанды, қуантқанды жақсы көремін. Бастапқы кезде балалары ДЦП-мен ауыратын аналарға бірнеше рет тегін мастер-кластар өткіздім.

«Анашым, бізде бәрі жақсы болады»
Алдымен Алланың қолдауымен, кейін елдің алғысы мен батасынан болар, ісім алға басты. Қазір бұның бәрі болмаған сияқты, бірақ талай жылаған күндерім болды. Оңай дүние емес, еңбек көп керек. Бірақ мен сондай адаммын, «артқа шегінуге жол жоқ» деп алға баса беремін. Адамдардағы үш қасиетті ерекше бағалаймын: адамгершілік, адалдық және еңбекқорлық. Небір қиын жағдайлар болды. Тортты алып, ақшасын төлемеген клиенттер де болды. Біреу алғысын айтып жатса, бірі сынын айтады. Торт әлеміне кіргеннен кейін шығу қиын екен. Байқағаным, менде тапсырыс көбеймесе, азайған емес. Бастапқыда тұрақты жұмысымнан шығуға қорқыныш болды. Себебі басымда несием бар, жалғызбасты анамын. Бір-екі клиенттен сөз естіп қалдым, тапсырысқа үлгермей жаттым. Алдымда жұмыс немесе тапсырыс деген таңдау тұрды. Қазір тек қана торт пісірумен айналысамын. Ұлымның әкесінің ұлты - ұйғыр. Балам онымен араласпайды. Өйткені әкесі өзі келмейді. Әрине бұл балаға да, маған да ауыр тиеді. Бірақ мен оны мәжбүрлей алмаймын ғой. Дәм-тұзымыз жараспады, ажырасып кеттік. Құдайға мың да бір шүкір етемін. Адамның негізі шын ниеті түзу болса, адал еңбек етсе, оның жолы әрқашан ашық. Қазіргі заманда ажырасу көп. Ажырасқан аналар 3-4 баламен өздері қалып қояды. Алимент алмайтындары бар, мен өзім алмаймын. Сондай қиын шақта аналар басқа жолға түсіп кететіндері бар. Оларға «ең бірінші балаңызды ойлаңыз» деп айтамын. Ана ең бірінші баласын ойласа, ол жетістікке жетеді. Мен түнде үйге шаршап келсем, ұлым төсегімді салып, үнемі күтіп жатады. Өзі ақылды, әкесін де түсінеді. Талай қиналған кезде «мама, у нас все будет хорошо» деп көңілімді аулайды. Қиналған кезде ұлыма қарап күш аламын.
«Анашым, бәрі жақсы болады!»
«Әлем таныса деймін»
Адамда айқын мақсат болуы керек, онсыз өмірдің мәні жоқ. Тырысса бәрі де болады. Біркүндік өмір сүру мүмкін емес. Мен әрбір қолдаудан кейін одан да үлкен нәрселер жасауға шабыттанып кетемін. Мастер класқа енелері келіндерін, күйеулері әйелдерін жібереді, тұрмыс құрғалы жүрген қыздар келеді. Қазір адамдар үйде пісірілген тамақты таңдайды. Мен дипломсыз кондитермін, торт пісіруді мастер-кластардан ғана үйрендім. Өзіме көп сын айтамын. Әрбір жасаған торт маған ұнамай отырады. Кондитерлік істің бір қызықтыратыны: бір нәрседен тоқтап қалмайсың, бағыттары өте көп. Әлемдік брендке шығуды армандаймын. Бұрын торт істеу, одан кейін студия ашу арман болды. Енді цех ашуды жоспарлап жүрмін. Ол да бір сауапты іс деп ойлаймын. Себебі бұл іспен адамдарды жұмыспен қамтамасыз етесің. Логотиппен әлі жұмыс жасап жатырмын. Тапсырыс әсіресе жаз айларында көп түседі. Қазірдің өзінде тапсырыс бір ай бұрын қабылданады. Ең үлкен торттың биіктігі 3,5 метр болды. Ал бағасы 4,5 мыңнан бастап, 500 мыңға дейін барады. Өзімді әзірше тек осы саладан көремін. Негізі бұны ұлым үшін деп бастаған едім. Қазір ұлыма қарайтын уақыт жоқ (күлді-ред). Менің арманым – авторлық рецепт шығару және әлемдік брэндке шығу. Ол үшін тыңбай еңбектенемін.


Әңгімеңізге рахмет! Ісіңізге береке берсін!

Ұқсас жаңалықтар
  • Ақтөбелік оқушылар жүлдемен оралды
  • Ақтөбелік оқушылар суық мектепте оқуға мәжбүр
  • Ұбт: биыл қандай өзгерістер бар?
  • Бірінші сыныптың білімі балдық жүйемен бағаланады
  • Ақтөбеде қыздар лицейі ашылады
  • Пікір
    ^ Үстіге