23/11/2017

    Баянғали Әлімжанов: “Тәуелсіздік алғалы эфирден жыршыларды көрсетпейтін болды”

    Бұл кісіні қазіргінің “Біржан салы” деп атайды. Жыршы-жыраулығы бір төбе әрі Қазақстандағы жалғыз “Манасшы”. Оған Құдай бар талантты аямай бере салған, бағы мен бабы қатар келіскен бақытты жан, өмірді шексіз сүйетін ақын. Ол – азулы айтыскер, драматург, жазушы, сатирик, кинорежиссер, тележүргізуші, сыншы, Қырғызстан Композиторлар одағы мен Мәдениет министрлігінің А.Малдыбаев атындағы Халықаралық сыйлығының лауреаты, ҚР еңбек сіңірген қайраткері, “Ерен еңбегі үшін” медалінің иегері Баянғали Әлімжанов.

    16/11/2017

    Қадырғали Көбентай: “Біздің халық әртіс десе, сайқымазақ деп қабылдайды”

    Ол – өнер үшін туылып, ән мен гитараны жанына серік еткен бүгінгінің сал-серісі. Оның бір басында бірнеше талант тоғысқан: суретшілігімен қоса ақындығы, әншілігі, сазгерлігі, актерлігімен қоса тарихты бір адамдай біледі. Ұстаз. Шәкірті бар. Ол әдемі поэзияны әнге қосып, халықтың эстрадалық сауатын жоғары деңгейге көтеруді армандайды. Ол - ҚР Мәдениет қайраткері, композитор, театр және кино актері, әнші-сазгер Қадырғали Көбентай.

    9/11/2017

    Әлия Маханалина: “Ақтөбеде жылына жүзден астам әйелден сүт безінің қатерлі ісігі анықталады”

    Ол бала кезінен дәрігер болуды армандап, 20 жылдан бері қаншама пациенттерді қабылдап келеді. Ол – Ақтөбедегі ең алғашқы маммологтардың бірі. Ол – әрі ана, әрі жар, әрі маммолог-онколог, әрі хирург, тіпті, психолог және мотиватор. Ол өзінің саласын жанындай жақсы көреді, бар ғұмырын арнауға әзір. Ол –1-ші санатты дәрігер Әлия Маханалина.

    26/10/2017

    Әли Ермекбаев: “Қазақстанның музыкасына реформа қажет”

    Оның музыкадағы өмір жолы 10 жасында басталды. Әкесінің орындалмаған арманын жүзеге асырғанмен, еш өкінген емес. 10 шақты аспапта емін-еркін ойнай алады. Ән айтады. Музыка жазады. Ол бүгінде Ақтөбенің саусақпен санарлық кәсіби музыканттарының бірі әрі болашақ аспирант. Ол – Қ.Жұбанов атындағы Ақтөбе өңірлік университетінің оқытушысы, Ғ.Жұбанова атындағы облыстық филармонияның камералы оркестрінің көркемдік жетекшісі, дирижер, ҚР Мәдениет саласының үздігі Әли Ермекбаев.

    19/10/2017

    Амангелді Айталы: «Атамбаев қазақтың намысына тиетін сөз айтқан жоқ»

    Ол – ел ағасы. Ол қай жерде, қандай қызметте жүрсе де, өткір ойларымен, парасатты пайымдарымен халықтың ықыласына бөленіп жүрді. Айтуынша «депутат Айталыдан» гөрі «ақтөбелік Айталы» болған болмысына жақын. Ол – философия ғылымдарының докторы, профессор, «Парасат» орденінің иегері Амангелді Айталы.

    12/10/2017

    Ардақ Жұбанова: “Атамды ұстап берген өзінің шәкірті, қазір белгілі ғалым”

    Ол – тек Ақтөбенің ғана емес, күллі қазақ елінің маңдайына біткен біртуар тұлға Жұбановтың мұрасын сақтаушы, насихаттаушы. Ол үшін Құдайберген Жұбановтың немересі болу атақ-дәреже емес, жауапкершілік пен абырой. Қай жерде жүрсе де, сол атына лайық болуды жөн көреді. Ол – филология ғылымдарының кандидаты, лингвист-ғалым Ардақ Жұбанова.

    5/10/2017

    Жанар Сембаева: “Ақтөбеде сал ауруына шалдыққан балаларға арналған үлкен жаттығу залы жоқ”

    Ол – батыр ана. Ресми түрде алған атағы емес, халықтық атақ. Оның бар арманы – ұлының жүгіріп кеткенін көру. Ол “ешқашан сағым сынбады” дейді, баласының дертімен қасқайып күресіп келеді. Еңбегі еш кетпеді. Диагнозы мұрша бермеуге тиіс ұлын жетектеп жүретін хәлге жетті. Ол – балалар церебральды сал ауруына шалдыққан 5 жасар Нұрасылдың анасы Жанар Сембева.

    28/9/2017

    Бауыржан Нұржанов: ““Халық емшілері” атын жамылған неше түрлі адамдар басымызға шығып отыр”

    Ол – адамның ойын, өткені мен кеткенін, қиындығы мен қуанышын айнытпай “оқитын” маман. Көріпкел емес. “Жақсы болу, жаман болу өзіңнен” дейді. Ол - атақты Марал ишанның ұрпағы, емші, халық медицинасының тұтқасын ұстаушы. Ол – “Кәсіби халық емшілері мен дәрігерлерінің дүниежүзілік ассоциациясының” президенті, “Кәсіби халық емшілігінің республикалық ассоциациясының” президенті, “Шапағат” халық емшілері мекемесінің жалғыз құрылтайшысы, Халықаралық Сократ сыйлығының лауреаты, “Кәсіби шеберлігі үшін” алтын медалінің иегері, “Ұлт зиялысы” алтын белгісінің иесі, 2005 жылғы “№1 Әлем емшісі” номинациясының иегері, Қазақстан мен Ресейдің Құрметті Кәсіби халық емшісі, суггестолог Бауыржан Нұржанов.

    21/9/2017

    Талғат Тілеулесов: “Қазіргі ақындар жап-жас боп, өмірден баз кешіп жүреді”

    Ол бала кезінен қисса-жырларды жаттап өсті, жас кезінен домбыраға үйір. Оның ең алғашқы өлеңі ғашықтықтан туды. Ол 17 жыл бойы мәдениеттен шет қақпайланып жүрсе де, өнерін тастамады. Ол үшін ең маңыздысы – оның отбасы. Сосын барып ақындығы, сазгерлігі. Ол – Қазақстан Журналистер одағының мүшесі, ақын-сазгер, С.Бәйішев атындағы облыстық әмбебап-ғылыми кітапханасының “Қаламгер” әдеби қонақжайының меңгерушісі Талғат Тілеулесов.



kerek info kerek info
Фотогалерея
Ой-өріс
ЕЛ АРДАҚТАҒАН ЕКІ ТҰЛҒА – ПҰСЫРМАН МЕН САҢЫРЫҚ
Керек TV
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл
Ең көп оқылған
^ Үстіге