Ойылда мал қорымдары ескірді

Ойыл ауданындағы мал қорымдарының жағдайы нашар. Аудандық мәслихат депутаттары осы мәселені шұғыл түрде шешу керек деп есептейді. Бұл туралы Ақтөбе облыстық мәслихатының баспасөз қызметі хабарлайды.

Ойыл ауданының ветеринария мәселелерін облыстық мәслихат депутаттары талқылады. Мәселе «ZOOM» платформасында кеңінен талқыланды және онлайн-байланысқа аудандық мәслихат депутаттары, аудан әкімінің орынбасары Саян Сүлейменов, облыстық ветеринария басқармасының басшысы Құсайын Сәрсембай қатысты. Ойыл ауданында бір уақытта 8 типтік мал қорымы салынған, бірақ қазіргі уақытта ауданның вет бөлімшенің қызметкерлерінің айтуынша, олар ескірген және күрделі жөндеуді қажет етеді.

- Қайынды, Берсиев, Саралжын аудандарының мал қорымдары малдың ұшасымен толып кетті, - деп хабарлады аудандық ветеринария бөлімінің басшысы.  Сондай-ақ, Ойыл аудандық мәслихатының хатшысы Сәкен Займолдин аудандық ветеринария ғимаратының апатты жағдайда екенін айтты.