Белгілі ақын, жырау  Нұрпейіс Байғаниннің домбырасын оның шөбересі реставрациялап жатыр.  Қ.Жұбанов атындағы Ақтөбе өңірлік университетінде оқитын  Нұрбек Байғанин бұл бастаманың тек бүкіл әулет үшін емес, қазақ халқы үшін маңызы бар екенін айтады.

1 шілде – Ұлттық домбыра күніне орай Қ. Жұбанов атындағы Ақтөбе өңірлік университетінің Визуалды өнер мамандығының 3-курс студенті Нұрбек  Байғанбин өзінің бабасы  жасаған көне домбыраны қайта жаңғыртып жатыр. Халық ақыны Нұрпейіс Байғанин оны өз ұлы Момын Байғанинге жасап берген. Оқу орны  баспасөз қызметінің хабарлауынша, аспаптың түпнұсқасы толық сақталмаған.  Бүгінге дейін тек домбыраның құлағы ғана жеткен. Дегенмен, дәл осы бөлшек Нұрбекке үлкен шабыт сыйлап, тарихи домбыраны түпнұсқасына барынша жақын етіп қалпына келтіруге түрткі болды.

- Нұрпейіс атамның қолынан шыққан бұл домбыра – біздің әулеттің ғана емес, бүкіл қазақ халқының киелі мұрасы. Уақыт өте аспаптың көп бөлігі зақымданған, тек құлағы ғана аман қалған. Бірақ дәл осы бөлшек – тұтас тарихтың символы іспетті. Мен осы негізде домбыраны қайта жасап, рухани мұраны жаңғыртып жатырмын, – дейді жас шебер.

      Қ. Жұбанов университетінің жанынан құрылған өнер шеберханасында жасалып жатқан бұл жұмыс – тарихи жадты тірілтудің, ұрпақ сабақтастығының және ұлттық өнерге деген құрметтің жарқын көрінісі. Оқу орнының оқытушылары да бұл жобаны жас буынның өз тамырына бет бұрып, рухани байлықты бағалауы деп бағалап отыр.

Ақтөбедегі Тахауи Ахтанов атындағы облыстық драма театрында «Турандот» трагикомендиясының тұсаукесері өтті.

Арайлым ҚАСЫМ

@araikassym

Фото Олеся Марчук

«Турандот» италиялық драматург Карло Гоццидің «Турандот ханшайым» пьесасы желісімен қойылды. Режиссері Әлібек Өмірбекұлы. Турандот қытай императорының жалғыз қызы. Оның жұмбағын ешкім шеше алмаған. Тек ханзада Калаф ғана оның жүрегіне жол табуға шындап кіріскен.  Әлем сахналарында түрлі жанрда көрсетілген қойылымды Қазақстанда алғаш рет   Тұңғышбай Жаманқұлов сахналған.