Ақтөбе облысы бойынша классикалық шахматтан өткен балалар турнирі өз мәресіне жетті. Биылғы жарысқа 6 аудан мен Ақтөбе қаласынан барлығы 272 оқушы қатысып, өз шеберліктерін сынады.

Жарыс қорытындысы бойынша үздік көрсеткішке қол жеткізген жас шахматшыларға марапаттармен қатар, жалпы көлемі 1 500 000 теңге қаржылай демеушілік көрсетілді. Турнирге қатысқан балақайлар  ерекше әсер алып, шахмат спортына деген қызығушылықтары мен ынталары бұрынғыдан да арта түсті. Аталған шара туралы ақпараттар облыстық спорт, білім басқармалары мен облыстық мәслихаттың ресми әлеуметтік желілерінде жарияланды. Бұл – Ақтөбе облысында шахматтың кең ауқымда дамып келе жатқандығының тағы бір айқын дәлелі. Жарыс мәжесіне жеткендер мыналар:

6 жас қыздар:
1 орын - Асрепова Айлана 
6 жас ұлдар:
1 орын - Жильцов Данил
2 орын - Қуандық Батыржан
3 орын - Гатаулин Умар
8 жас қыздар:
1 орын - Акимхан Алима
2 орын - Кошенова Самина 
3 орын - Талгат Аяна
8 жас ұлдар:
1 орын - Танжарбай Ансар
2 орын - Шаханов Алибек
3 орын - Ищанов Тайырхан
10 жас қыздар:
1 орын - Оразбай Әдемі
2 орын - Кошенова Толганай
3 орын - Марат Назгуль
10 жас ұлдар:
1 орын - Арманұлы Абдуллаһ
2 орын - Бағланұлы Қасым
3 орын - Алтынбаев Мухтаршах
12 жас қыздар:
1 орын - Абибулла Инжу
2 орын - Кошенова Тогжан 
3 орын - Даутова Диля
12 жас ұлдар:
1 орын - Өтетілеу Аманбек
2 орын - Парахатов Нұржан
3 орын - Сагындыков Мансур
14 жас қыздар:
1 орын - Жоламан Мадина
2 орын - Уалихан Айару
3 орын - Алдабергенова Адель
14 жас ұлдар:
1 орын - Сапартлеуов Нурасыл
2 орын - Бекбаганбетов Санжар
3 орын - Торехан Нурали
16 жас қыздар:
1 орын - Абибулла Жансая
2 орын - Крыкбаева Аянат
3 орын - Кожаберлина Замира
16 жас ұлдар:
1 орын - Айдынгали Дастан
2 орын - Марат Толеген
3 орын - Жолжанов Олжас
18 жас қыздар:
1 орын - Маноле София
2 орын - Алдабергенова Аружан
18 жас ұлдар:
1 орын - Петухов Алан
2 орын - Беристенов Каир
3 орын - Абуов Айсултан

 
19 қыркүйекте басталған тартысты дода 30 қыркүйекке дейін жалғасады. Әлем Чемпионатының аурасы сірә бөлек. Төрткүл дүниенің алпауыт елдері Үндістаннан – 28, Қытайдан – 25, АҚШ-тан – 24 балақан спортшы қатысуда. Елімізден турнир иесі ретінде  200-ден астам балақан бақ сынауда. Олар үшін аталған Әлем Чемпионаты мәңгі естен кетпес естелік болып қалары сөзсіз. Қанаттары қатып, бұғаналары бекіп, ертеңгі елдің намысын қолдан бермесі анық. Чемпионат Балуан Шолақ атындағы спорт және мәдениет кешенінде өтуі жарысқа көрік бере түсуде. Бұл нысанда 2022 жылы рапид және блиц бойынша әлем чемпионаты, ал 2024 жылы жасөспірімдер арасындағы Азия чемпионаты ұйымдастырылған болатын. Аталған айтуы іс-шараның дайындығы ерекше таңданыс тудырады.  
Тимур Турлов мырза бастаған Қазақстан шахмат федерациясы (KazChess) мен жергілікті атқарушы органдар келген қонақтарға, ойыншыларға, ата-аналарға, жаттықтырушылар мен төрешілерге барынша жайлы жағдай жасап, қазақы қонақжайлығымызды әлемге паш етуде. Чемпионат елдегі шахмат спортына айтулы серпін берері сөзсіз. Әсіресе елден жырақтап, басқа елге бармастан өз төрімізде өтіп жатырған чемионатқа жас өрендердің ата-анадары дән риза. Осыдан ақ елдегі шахматтың еңсесі биік екенін байқау қиын емес. Барша қатысушыларға сәттілік тілей отырып, балақандардың болашағы жарқын болсын демекпіз. Бұл – тек спорттық шара ғана емес, бұл – халықаралық деңгейдегі зияткерлік мереке.
Елдесов Арман 
Қазақстан Шахмат Федерациясының Ақтөбе облысы бойынша филиалының атқарушы директоры.

Биылғы “SENAT OPEN 2025” қарқыны бөлек. Ақтөбеде өткен Іріктеу кезеңінен ойын қыза түсіп, 35 “шын жүйрік” іріктеліп, жартылай финалға қатысу үшін Орал қаласына сапарға шықтық. Мақсат біреу. Облыс туын бік ұстап, намысты қолдан бермеу. Ақсақалдары алда болған, қоғамдық кеңес өкілдері мен мемлекеттік қызметкерлері қолдаған, мәслихат депутаттары дүбірлі доданың көркін қыздыра түсті. 22 шілде Ақтөбе Орал тас жолының ұзақтығын “жеңем деп келген жетелі ой”сездірмеді. 23 шілде Батыстың төрт өңірі жиналған тартысы жарыс, өз шымылдығын ашты. Басталғаннан ақ делегаттарымыз ел көру үшін ғана келмегендерін айқын байқатты. Әсіресе ақсақалдарымыздың әрбір айқын жеңісі көңілге кірбің кіргізбеді.
Жарыс басталғаннан-ақ Естай аға, Берік аға, Болатбек ағай, Тельман аға, Ғалым ағалар шахматтағы шеберліктерін сөзбен емес іспен дәлелдеп, төрт тур қатарынан қарсыластарын еріксіз тізе бүктірді.

 
Жеңіс бар жерде жеңілісте болды. Мұндай сәттерде бір бірімізді қолдап, бір жеңнен қол бір жеңнен бас шығара білдік. Әсіресе Изғали ағай мен Батырхан ағайлардың жүйелі әзілдері, Альфия қарындасымыздың ұяң жымиғаны көңілге кірбің түсіргізбеді.
Жауғашты атаның салмақты сөздері мен салиқалы батасы жолымызды онан сайын аша түсті. Түс ауа ойын бағыты белгілі бола бастады.
Төрт құбыласы түгел төрт аумақтың да ойыншылары Оралға “сауық құруға” келмегендерін дәлелдеп бақты.
Әсіресе 7 турдан соң зал атмосферасынан жеңістің де ауылының алыс еместігін сездік. Болатбек аға мен Ғалым аға “шын жүйрікке тұсау жоқ” екеніне дәлел болды. Мирлан мырза адам өміріне араша бола білу қасиетімен бірге шахматтың да шын майталманы екенін айқындады. Батырхан аға мен Изғали ағалар рухтана түсіп, барлық команда жұмылған жұдырықтай болды. Әр қадамы маңызды 9 турда аяқталып, арқадан жүк түскендей әсер алдық. Соңғы турда Болатбек ағай 9 турда бір рет те жеңіліс көрмеген Оралдық Салихов Андарбек мырзамен терезесі тең ойнауы Ақтөбе шахмат мектебінің алар асуының биіктігін көрсетті. Сонымен жарыста өз мәресіне жетті. Тәжірибенің тұғырын биік ұстайтын Ардагерлдің арасында Болатбек ағайдың 1 орны және Ғалым ағайдың 3 орындары тас түйін дайындықтың нәрлі тәтижесін берді. Сол күннен бір күн бұрын кешкілік Болатбек ағайдың ұялы телефоннан шахматтың онлайн түрінен бас алмай бара жатқанда да болмысы бөлек болатын. Естай ағаның қоғамдық кеңес өкілдері арасынан алған орны, Жауғашты атаның БАҚ арасынан алған орны, Мирлан ағайдың депутаттар арасынан алған орны Ақтөбе шахмат мектебінің алып емендей алпамса өзіндік орны бар екеніне айқын дәлел болды.
Астанаға финалға алған 9 жолдамамыз тағы бар. Жәңгірдей жігерлі ханның Ордасы болған Ақжайықтан бізде рухтанып жігерленіп оралдық. Біздің аман есен барып келуімізге мұрындық болған Ақтөбе облыстық мәслихат төрағасы Гүлқасима Рамазанқызына және Ақтөбе облыстық спорт басқармасы басшысы Мейрамбек Жанболатұлына алғысым шексіз. Өңірдегі шахматтың дамуына зор үлесін қосып жүрген барша жанышырларға алғысым зор. Шахмат ойын ғана емес, өмірдің шағын модельі. Алға елдің шахматы. Алға Ақтөбе!

Арман Елдесов

ҚШФ Ақтөбе облысы бойынша филалының  атқарушы директоры

Ақтөбеде шахматтан ҚР Парламенті Сенатының «Senat Open 2025» II ашық Кубогінің облыстық іріктеу турнирі өтті.

Елімізде шахмат спортының дамуы жаңа белеске көтеріліп, көпшіліктің осы интеллектуалдық спортқа деген қызығушылығы артып келеді. Ақтөбе облысы мәслихаты мен Қазақстан Шахмат Федерациясы бірлесіп ұйымдастырған шахматтан ҚР Парламенті Сенатының «Senat Open 2025» II ашық Кубогінің облыстық іріктеу турнирі М.Оспанов атындағы Батыс Қазақстан медицина университетінің Аққағаз Досжанова атындағы конференц холлында өтті. Бұл туралы Қазақстан шахмат федерациясының Ақтөбе облысы бойынша филиалының атқарушы директоры Арман Елдесов хабарлады.

Екінші рет өтіп отырған бұл турнирдің басты мақсаты – шахматты кеңінен насихаттау, халық арасында оның танымалдылығын арттыру және көпшілікті интеллектуалдық спортқа тарту. 2024 жылғы бірінші турнирдің сәтті өтуі бұл жарыстың дәстүрге айналуына негіз болды. Шахмат ойыны логикалық ойлау, стратегиялық жоспарлау және сабырлылық сияқты маңызды қасиеттерді дамытуға ықпал етеді. Сондықтан мұндай жарыстардың өтуі қоғам үшін үлкен маңызға ие. Турнир облыс орталығы Ақтөбе қаласы мен ауданнан келген жүзден астам шахмат сүйер қауымға жаңа мүмкіндіктер туғызды. Олар өз шеберліктерін сынап, тәжірибе алмасты, жаңа таныстар тапты. Турнирдің ашылу салтанатына облыс әкімдігі, Ақтөбе облысы мәслихатының және KazChess басшылығы қатысып, шахматты дамыту бағытында бірлескен жұмыстарды атап өтті. Қазақстан шахмат федерациясының президенті Тимур Турлов қатысушыларға бейнеқұттықтау жолдап, турнирдің маңыздылығын атап өтті. Швейцария жүйесі бойынша өткен аса тартысты 9-турдың (рапид) қорытындысы бойынша облыстан отыз бес шахматшы «Senat Open 2025» жартылай финалына жолдама алды. Жеңімпаздар мен жүлдегерлер медаль, диплом және арнайы сыйлықтармен марапатталды. Турнир барысында әйелдер арасында танымал шахматшы, 5 дүркін Қазақстан чемпионы, халықаралық дәрежедегі ФИДЕ шебері, 2024 жылғы әлем чемпионатының күміс жүлдегері Аманжол Ханзада Жанкелдіқызы мүмкіндігі шектеулі балалармен бір мезеттік ойын сеансын өткізіп, ерекше балаларға өз шеберліктерін көрсету мүмкіндігін сыйлады. Шахмат жарысының дәстүрге айналуы өңірде шахмат спортының дамуына ықпал етіп, жастар арасында осы спорт түріне деген қызығушылықты арттырып, еліміздің интеллектуалдық спорт саласындағы беделін нығайтуға зор үлес қосады.

Интеллектуалдық спорт түрлерінен облыстық мамандандырылған балалар-жасөспірімдер спорт мектебіне қарасты  шахмат клубында ардагерлер арасындағы облыстық шахмат турнирі өтті. Турнир Қазақстан Республикасы Парламенті Сенатының ұйымдастыруымен биыл екінші рет өтетін Сенат кубогы аясында Кеңес Одағының Батыры Әлия Молдағұлованың 100 жылдығына және Ұлы Жеңістің 80 жылдығына  арналды.

Шахмат турнирі Қазақстан шахмат федерациясының Ақтөбе облысы бойынша төрағасы Гүлқасима Сүйінтаеваның қолдауымен, облыстық маслихаттың қолдауымен, Ақтөбе облыстық ардагерлер ұйымымен, облыстық спорт басқармасымен, ҮЕҰ қауымдастығымен, интеллектуалдық спорт түрлерінен облыстық мамандандырылған балалар-жасөспірімдер спорт мектебі ұжымының қолдауымен жүзеге асырылды.

Турнирдің мақсаты: шахматты насихаттау, егде жастағы адамдар арасында оның танымдылығын арттыруға негізделген турнир тек кәсіби спортшылар үшін ғана емес, шахмат әуесқойлары үшін де үлкен мүмкіндік болды.

Ақтөбе қаласы мен аудандардан келген 50-дей ардагер шахматшылар өз шеберліктерін сынап, тәжірибе алмасып, жаңа таныстар тапты.

Жалпы жүлде қоры 270 мың теңге құраған,  швейцар жүйесінде 9 турда  аса үлкен тартыспен өткен турнир, егде жастағы шахматшылардың қызығушылықтарын арттырып, көпшіліктің оң бағасына ие болды.

Турнир жеңімпаздары мен жүлдегерлері медаль диплом және ақшалай сыйлықтармен марапатталып, қатысушыларға сертификаттар табысталды.

Турнирде алғашқы 20 үздіктер қатарына енген ойыншылар 26 сәуірде  М.Оспанов атындағы Батыс Қазақстан медицина университетінің Аққағаз Досжанова атындағы конференц холлында жергілікті мәслихат депутаттары, қоғамдық және ардагерлер Кеңестері, бұқаралық ақпарт құралдары өкілдері, мемлекеттік қызметшілердің қатысуымен өтетін «Senat Open 2025» II ашық Кубогіне жолдама алды. Аталған турнир облыстағы шахмат спортының дамуына үлкен серпін береді деген үміттеміз.

Қазақстан шахмат федерациясының Ақтөбе облысы бойынша филиалы

Аманжол Ханзада Жанкелдіқызы

Аманжол Ханзада 2012 жылы 14-ші наурызда Ақтөбе қаласында дүниеге келген. 

Ақтөбе қаласындағы № 47 орта мектептің 7 сынып оқушысы.

2019 жылдың  қаңтар айынан  Интеллектуалдық спорт түрінен облыстық мамандандырылған балалар-жасөспірімдер спорт мектебінде жаттығады.

Ханзада шахматтан әйелдер арасында ФИДЕ шебері. 2024 жылдың қортындысымен жылдың үздік спортшысы ретінде танылып, облыс әкімінің Алғыс хатымен марапатталды.

2024 жылдың 14-27 қарашасы аралығында Монтесильвано қаласында (Италия) 8-12 жасқа дейінгі ұлдар мен қыздар арасында шахматтан (классика) әлем чемпионаты өтті.

Қазақстан құрама командасының сапында сынға түскен, интеллектуалдық спорт түрінен облыстық мамандандырылған балалар-жасөспірімдер спорт мектебінің шахмат бөлімінің оқушысы, ФИДЕ спорт шебері Ханзада Аманжол 12 жас арасында күміс жүлдегер атанды.

Ханзада 2024 жылдың 24 қаңтар - 3 ақпаны аралығында Шымкент қаласында өткен шахматтан 12 жасқа дейінгілер арасында Қазақстан Республикасы чемпионатының классика және блиц түрлері бойынша жеңімпаз, ал Албанияның Дурес қаласында өткен оқушылар арасында әлем чемпионатында рапид түрі бойынша қола жүлдегері. Аманжол Ханзада Интеллектуалдық спорт түрінен облыстық мамандандырылған балалар-жасөспірімдер спорт мектебінде білім алған жылдарындағы жетістіктері:

- Ақтөбе облысының 5 дүркін чемпионы;

-  Қазақстан Республикасының 5 дүркін чемпионы.

- шахматтан оқушылар арасында әлем чемпионы (2019 жыл, Анталья қаласы (Түркия);

- шахматтан оқушылар арасында Азия чемпионатының күміс жүлдегері (2019 жыл, Ташкент қаласы (Өзбекстан);

- шахматтан оқушылар арасында Әлем чемпионатының қола жүлдегері (2024 жыл, Дуррес қаласы (Албания);

- шахматтан жасөспірімдер және қыздар арасында Әлем чемпионатының күміс жүлдегері (2024 жыл, Монтесильвано (Италия).

 Ханзада Аманжол шахмат спортында өзін білікті,  еңбекқор спортшы ретінде көрсетті. Болашағынан үлкен үміт күттіретін Ханзада Аманжолды, Ханзаданың жоғары жетістіктерге жетуіне өзіндік үлестерін қосқан, жаттықтырушы-оқытушылар, бапкерлері Дариға Иманова, Қуанышқали Ернияшов, Дмитрий Попов.

Сербияның Врнячка-Баня қаласында өткен оқушылар арасындағы халықаралық жарыста 13 жас санатында күміс жүлдеге ақтөбелік Ханзада Аманжол ие болды. Бұл жеңіс – тынымсыз еңбектің, табандылықтың және жоғары мақсаттарға ұмтылудың жемісі. Сенің жетістігің – тек өзің үшін емес, бүкіл ел үшін үлкен мақтаныш!Алдағы уақытта да толағай табыстарға жетіп, биік белестерді бағындыра бер! Біз сенімен мақтанамыз!
Қазақстан шахмат федерациясының Ақтөбе облыстық филиалы

Елімізде шахмат спортының дамуы жаңа белеске көтерілуде, шахматқа  қызығушылық артып келеді.

Қазақстан Республикасы Парламенті Сенатының ұйымдастыруымен биыл екінші рет өтетін Сенат кубогы – осының айқын дәлелі. Бұл турнирдің басты мақсаты – шахматты кеңінен насихаттау, халық арасында оның танымалдылығын арттыру және көпшілікті интеллектуалдық спортқа тарту.

2024 жылғы бірінші турнирдің сәтті, жоғары деңгейде өтуі осы жарыстың дәстүрге айналуына негіз болды. Шахмат ойыны логикалық ойлау, стратегиялық жоспарлау және сабырлылық сияқты маңызды қасиеттерді дамытады. Сондықтан мұндай жарыстардың өтуі қоғам үшін үлкен маңызға ие. Турнирдің дәстүрге айналуы өңірдегі шахмат спортының дамуына оң әсер етеді деп күтілуде.

Бұл жарыс – тек кәсіби спортшылар үшін ғана емес, шахмат әуесқойлары үшін де үлкен мүмкіндік. Әрбір қатысушы өз шеберлігін сынап, тәжірибе алмасып, жаңа таныстар таба алады. Сонымен қатар, мұндай шаралар шахматқа деген қызығушылықты арттырып, жас буынның осы спортқа бет бұруына ықпал етеді.

Сенат кубогы – тек жарыс емес, ой өрісін кеңейтетін, стратегиялық ойлауды дамытатын ерекше алаң. Осындай бастамалар арқылы  шахмат спорты бұқаралық сипат алып, көпшілікке танымал бола түсері анық.

«Қазақстан Шахмат Федерациясы» республикалық қоғамдық бірлестігінің Ақтөбе облысы бойынша филиалы, Ақтөбе облысының дене шынықтыру және спорт басқармасымен  бірлесе, шахматты дамыту, спорт резервін, облыстық, республикалық құрама командаларға үміткерлерді даярлауды қамтамасыз ету, спортшылардың  тәжірибелік дағдыларды игеруін, жоғары дәрежелі спортшыларды тәрбиелеу мақсатында шахматтан 2025 жылға жоспарланған, барлық жас санаттарына бағытталған турнирлерді  облыстық спорттық-бұқаралық іс-шараларының бірыңғай өңірлік күнтізбесіне енгізді.

Осыған орай, облыстық спорттық-бұқаралық іс-шараларының бірыңғай өңірлік күнтізбесіне енгізілген, 26 сәуірде, М.Оспанов атындағы Батыс Қазақстан медицина университетінің Аққағаз Досжанова атындағы конференц холлында өтетін «Senat Open 2025» II ашық Кубогі, шахмат турниріне жергілікті мәслихат депутаттарын, қоғамдық және ардагерлер Кеңестері, бұқаралық ақпарт құралдары өкілдерін, мемлекеттік қызметшілерді, шахмат сүйер қауымды қатысуға және тамашалауға шақырамыз.

Арман Елдесов, «Қазақстан Шахмат Федерациясы» РҚБ, Ақтөбе облысы бойынша филиалы атқарушы директоры                                                             

18 желтоқсан күні түскі сағат 12-00де Ақтөбеде «Көп рахмет» жаңа жылдық фестиваль басталады. Келген қонақтардың ішін пыстырмайтын керемет фестивальде түрлі ойындар ойнап, жаңажылдық сыйлықтар ұтып алуға болады. Ең басты сыйлық — "Яндекс.Станция.Макс"  ақылды колонкасы. Сондай—ақ 21 жастан асқан ойыншылар арасында Астана қаласынан пәтер ұтып алу ойыны болады.

Сыйлықтарды ұтып алу үшін үлкен асықтармен ойнау, мини—хоккейде жарысу немесе ағаш үстінде жастықпен соғысып ойнау қажет болады. Жалпы қонақтарды онға жуық ойын аттракциондары және кеш жүргізушісі мен диджей күтеді. Ойын кезінде тоңбау үшін арнайы сусындар мен ауқаттар қарастырылған.Жаңажылдық көңіл күйді «Көп размет» фестивалінен бастаңыз!

Еркежан СЕРІК

kerekinfoaktobe@gmail.com

Үстел теннисі –арнайы ойын үстелінде ракеткамен ойналатын спорт түрі. Бұл спорт түрі белгілі ғимарат ішінде ойнатылады. Үстел теннисі шапшаңдыққа бағытталған спорт түрі. Бұл ойын икемділік пен ептілікті талап етеді.

Өзге спорт түрлері секілді үстел теннисінің де ережелері бар. Егер қарсылас арнайы допты үстелден тыс жерге асырса немесе сіздің алаңыңызға түсіре алмай допты ракеткамен торға ұрса сіз арнайы ережелер бойынша ұпай ала аласыз. Ойыншылардың бірі қателескенше шарды тез екі жаққа ұра береді. Қателескен ойыншы ұпай жоғалтады. Кәдуілгі қателер: шар тордан өтпей қалады; ойыншы шарды ракеткамен соға алмай, мүлт кетеді; соққан шары столдың қарсылас жақ бетіне тимей кетеді; шарды столға тимей тұрып соғып жібереді.

Үстел теннисінен өткен спорттық турнирге ерлер жамағатынан 12 адам және әйелдер жамағатынан 15 адам қатысты. Орталықтың сектор меңгерушісі Айгүл Қанафия және орталық басшысы Сансызбай Ұлқабай кіріспе сөз сөйлеп, сайысқа қатысушыларға сәттілік тіледі.

- Үстел теннисінен өткен спорттық турнир жарыстардың соңы емес. Алдағы уақытта түрлі спорттық жарыстар мен байқаулар өткізуді жоспарладық. Ерлер жамағатының арасында қазақша күрестен және тоғызқұмалақтан жарыс өтеді. Ал әйелдер жамағатының арасында «Ұлттық тағам-ұлт мақтанышы», «Менің Қазақстаным» атты байқаулар ұйымдастырылады, - деді орталық басшысы Сансызбай Ұлқабай.

Турнир қорытындысы бойынша жеңімпаздар бағалы сыйлықтарға ие болды. Ерлер жамағатынан 3 қатысушы үздік деп танылып, байқаудың жеңімпаздары атанды. Үстел теннисінің спорттық турнирінде 3 орынды Ердәулет Борантаев қанжығасына байлап, сымсыз құлаққап ұтып алды. 2 орын Ерболат Смағұловқа бұйырды. Ол смартсағат сыйлығын иеленді. Ал байқаудың 1 орынын Аманат Илиясов иеленіп, смартфон жеңіп алды.

Әйелдер жамағатының арасында да 3 жеңімпаз анықталып, бағалы сыйлықтарды иеленді. Атап айтар болсақ, 3 орынды Ақниет Нұржанова иеленіп, сыртқы аккумулятор жеңіп алды. Айгүлім Нұрманова 2 орынға табан тіреп, смартсағатты қанжығасына байлады. Ал 1 орын Ләззат Ордабаеваға бұйырды. Ол 1 орын үшін шаңсорғыш жеңіп алды.

Үстел теннисінен өткен спорттық турнир өз деңгейінде өтті. Қатысушылар тартысты әрі қызықты ойын көрсетті. Сайысқа қатысушылар ұйымдастырушылар тарапына алғыс білдіріп, көтеріңкі көңіл-күймен тарасты.

Аружан СМАҒҰЛОВА

@smagulova__aruzhan

Есет Қуанов –самбо және дзюдо күресінен халықаралық дәрежедегі спорт шебері. Самбодан әлем чемпионы, 3 дүркін Қазақстан чемпионы, әлем кубогының 5 дүркін чемпионы, Азия чемпионаты мен Азия ойындарының жүлдегері. Сондай-ақ дзюдодан Азия кубогы мен Еуропа кубогының жеңімпазы, Қазақстан чемпионы.

Ақтөбелік сақшы Астанада өткен Қазақстан чемпионатына қатысып, алтын алқа иеленді. Дүбірлі додаға 500-ге жуық спортшы бақ сынаған. 66 келі салмақ дәрежесінде күрескен ақтөбелік дзюдошы-полицей топ жарып, қарсыластарына есе жібермеді.