Бағбандардың қызу тірлігі басталды


    Бағбандардың қызу тірлігі басталды

    Ақтөбеліктер бау-бақша қамына кірісті. Бірі жер жыртса, кейбіреулер жеміс ағаштарын отырғызып әлек. Базарда да сауда-саттық қызып тұр. Осыған орай “Керек.info” тілшісі көкөніс егуге кіріскен бау-бақша тұрғындарының тірлігімен танысып, бағаның бағамын бақылап қайтқан еді.

    Ерлі-зайыпты Ольга мен Владимир Глатковтардың Заречный-2 ауылының маңындағы Геолог-3 бау–бақша ұжымына көкөніс еккеніне көп болған. Сонау 70-жылдары ата-анасынан мұраға қалған 8 сотық жер – бүгінде олардың көз қуанышы.
    Бұл жерде алма, жүзім, қарақат, таңқурай секілді бірнеше жеміс ағашы өседі. Тіпті суыққа төзімсіз маньчжур жаңғағын да кездестірдік. Ал көкөніс пен гүлдердің сан алуандығы өз алдына бөлек тақырып.

    Ерлі-зайыпты бағбандардың айтуынша, 8 қабаттағы пәтерлері мен қаланың шуынан шаршағанда осында келеді екен. Тіпті болашақта газ тартып, жаңа жылды осында атап өткілері де келеді. Алайда оларды саяжайдағы тазалық пен адамдардың ашкөздігі алаңдатады. Өйткені соңғы кездері бау-бақшада көлік жүретін жол да қалмаған. Ал қоқыс - өз алдына үлкен мәселе.
    - Адамдардың жерді өте қатты жақсы көретіні сондай, жол күн сайын тарылып жатыр. Артық-ауыс жер болса, жылдам қосып алуға тырысады. Қандай да бір норма болуы керек қой?! Сол отыз сантиметр жол керек пе?! Тіпті мұнда көң жеткізудің өзі мұң. Құрылыс материалдарын жеткізу де қиын. Қонақ келсе, көлік айналатын жер де жоқ,- дейді Ольга.

    Саяжайлардағы тазалық мәселесі де ақсап тұр. Өйткені қоқыс тастайтын арнайы орын болмағандықтан, адамдар тұрмыстық қалдықты кез-келген жерге лақтыра салады.Қисық өскен бұталарды да кеспейді. Бұл мәселе бағбандардың жиналысында жиі-жиі көтеріледі. Бірақ, әзірге нәтиже жоқ.
    Бау-бақша иелерінің айтуынша, көкөністер православ дініндегі хрестиандардың Троица мейрамына дейін отырғызылуы керек. Бұл мереке әр жылы әр түрлі мерзімге сәйкес келеді. Биыл 31 мамырда атап өтілуі тиіс.
    Ал қазір жеміс ағаштарын отырғызуға ең қолайлы уақыт. Содан да болар, орталық базар маңындағы сауда да қыза түскен. Алма ағаштарының бір шыбығы – 600-700 теңгеден, қараөрікті 500 теңгеден, таңқурайдың
    10 түбін 600-700 теңгеден сатып ала аласыз. Ал раушан гүлдерінің бағасы 200-500 теңге аралығында. Саудалассаңыз, бұдан да арзан алуыңыз мүмкін. Тіпті сатушылар ағаштарды күтіп- баптау туралы өз кеңестерін де береді.
    Алматылық Нағима Өміртаева әсіресе соңғы аптада жеміс ағаштарын сатып алушылардың күрт көбейгенін айтады.
    -Үш апта бекер тұрдық. Бір жеті болды, сауда қызып жатыр. Бұған дейін күн суық деді, жердің тоңы жібімеген деді. Әлі балшық, саяжайға кірмедік деді. Енді сауда-саттық та жақсы болып жатыр. Осы мамыр бойы егіледі. Баға да аса қымбат емес. Мың теңгеден аспайды. Жеміс ағаштарының бірқатарын Орал қаласынан алдырттық. Ақтөбенің климатына қолайлы. Ал кейбіреуін осындағы бау-бақша егетін әжейлерден сатып аламыз. Мәселен, бүлдіргеннің шоғырын 150 теңгеден сатып алып, 200 теңгеден саудалаймыз. Алматыдан өз бақшамда өсірген гүлдерді де сатуға әкелдім. Бала-шағаның қамы ғой,- дейді ол.

    “Арай” базарының маңы да халыққа лық толы. Бір қорабы 30-50 теңгеден сатылатын тұқымнан гөрі көшеттерден тезірек өнім алғысы келгендер осы маңды төңіректеп жүр. Сенбі күні екі қатарға тізілген сатушылардың маңын жағалаған жұрт көшеттердің бағасын сұрап, абыр-сабыр боп жатты. Отыз жылдық тәжірибесі бар бағбан Ирина биылғы бағаның жылдағыдан арзан екенін айтады.
    - Бүгін тұрғанымызға екінші күн. Өзім Сүт зауыты маңында тұрамын. Көшеттерді үйде өзім өсіремін. Түрлі сұрыптағы 10 түп көшетті 300 -350 теңгеден сатып жатырмыз. Халық қызанақ пен бұрыштың көшеттерін жақсы алып жатыр. Ал баклажанға әлі ертерек. Әдетте, адамдар 21 мамырда болатын Никола мейрамынан кейін жаппай егеді ғой. Биыл баға өткен жылғыдан арзанырақ. Әлі көпшілігі өз көшеттерін сатылымға шығара қойған жоқ. Бағаның қалай құбылатынын кім білсін?!

    Байқағанымыз, қазекеңдердің көпшілігінің бау-бақша егіп, оның игілігін көруге қыры жоқ. Бау-бақша басында еңбектеніп жүргендердің көпшілігі өзге ұлт өкілдері. Күтіп-баптасаң, Жер ана жемісін аямайтыны анық. Сондықтан өз бақшасына жұмақ орнату әр адамның өз қолында екенін ұмытпаған жөн шығар.

    Ұқсас жаңалықтар
  • Велосипед тебу сәнге айналды
  • Ақтөбеде жер қанша тұрады?
  • Ақтөбеде көкөніс қымбаттады
  • Талдысайлықтар жайылымның жоқтығына наразы
  • Қазақстанда пойыз билеттері жеңілдікпен сатылатын болды
  • Пікір
kerek info kerek info
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл

Бағбандардың қызу тірлігі басталды


Бағбандардың қызу тірлігі басталды

Ақтөбеліктер бау-бақша қамына кірісті. Бірі жер жыртса, кейбіреулер жеміс ағаштарын отырғызып әлек. Базарда да сауда-саттық қызып тұр. Осыған орай “Керек.info” тілшісі көкөніс егуге кіріскен бау-бақша тұрғындарының тірлігімен танысып, бағаның бағамын бақылап қайтқан еді.

Ерлі-зайыпты Ольга мен Владимир Глатковтардың Заречный-2 ауылының маңындағы Геолог-3 бау–бақша ұжымына көкөніс еккеніне көп болған. Сонау 70-жылдары ата-анасынан мұраға қалған 8 сотық жер – бүгінде олардың көз қуанышы.
Бұл жерде алма, жүзім, қарақат, таңқурай секілді бірнеше жеміс ағашы өседі. Тіпті суыққа төзімсіз маньчжур жаңғағын да кездестірдік. Ал көкөніс пен гүлдердің сан алуандығы өз алдына бөлек тақырып.

Ерлі-зайыпты бағбандардың айтуынша, 8 қабаттағы пәтерлері мен қаланың шуынан шаршағанда осында келеді екен. Тіпті болашақта газ тартып, жаңа жылды осында атап өткілері де келеді. Алайда оларды саяжайдағы тазалық пен адамдардың ашкөздігі алаңдатады. Өйткені соңғы кездері бау-бақшада көлік жүретін жол да қалмаған. Ал қоқыс - өз алдына үлкен мәселе.
- Адамдардың жерді өте қатты жақсы көретіні сондай, жол күн сайын тарылып жатыр. Артық-ауыс жер болса, жылдам қосып алуға тырысады. Қандай да бір норма болуы керек қой?! Сол отыз сантиметр жол керек пе?! Тіпті мұнда көң жеткізудің өзі мұң. Құрылыс материалдарын жеткізу де қиын. Қонақ келсе, көлік айналатын жер де жоқ,- дейді Ольга.

Саяжайлардағы тазалық мәселесі де ақсап тұр. Өйткені қоқыс тастайтын арнайы орын болмағандықтан, адамдар тұрмыстық қалдықты кез-келген жерге лақтыра салады.Қисық өскен бұталарды да кеспейді. Бұл мәселе бағбандардың жиналысында жиі-жиі көтеріледі. Бірақ, әзірге нәтиже жоқ.
Бау-бақша иелерінің айтуынша, көкөністер православ дініндегі хрестиандардың Троица мейрамына дейін отырғызылуы керек. Бұл мереке әр жылы әр түрлі мерзімге сәйкес келеді. Биыл 31 мамырда атап өтілуі тиіс.
Ал қазір жеміс ағаштарын отырғызуға ең қолайлы уақыт. Содан да болар, орталық базар маңындағы сауда да қыза түскен. Алма ағаштарының бір шыбығы – 600-700 теңгеден, қараөрікті 500 теңгеден, таңқурайдың
10 түбін 600-700 теңгеден сатып ала аласыз. Ал раушан гүлдерінің бағасы 200-500 теңге аралығында. Саудалассаңыз, бұдан да арзан алуыңыз мүмкін. Тіпті сатушылар ағаштарды күтіп- баптау туралы өз кеңестерін де береді.
Алматылық Нағима Өміртаева әсіресе соңғы аптада жеміс ағаштарын сатып алушылардың күрт көбейгенін айтады.
-Үш апта бекер тұрдық. Бір жеті болды, сауда қызып жатыр. Бұған дейін күн суық деді, жердің тоңы жібімеген деді. Әлі балшық, саяжайға кірмедік деді. Енді сауда-саттық та жақсы болып жатыр. Осы мамыр бойы егіледі. Баға да аса қымбат емес. Мың теңгеден аспайды. Жеміс ағаштарының бірқатарын Орал қаласынан алдырттық. Ақтөбенің климатына қолайлы. Ал кейбіреуін осындағы бау-бақша егетін әжейлерден сатып аламыз. Мәселен, бүлдіргеннің шоғырын 150 теңгеден сатып алып, 200 теңгеден саудалаймыз. Алматыдан өз бақшамда өсірген гүлдерді де сатуға әкелдім. Бала-шағаның қамы ғой,- дейді ол.

“Арай” базарының маңы да халыққа лық толы. Бір қорабы 30-50 теңгеден сатылатын тұқымнан гөрі көшеттерден тезірек өнім алғысы келгендер осы маңды төңіректеп жүр. Сенбі күні екі қатарға тізілген сатушылардың маңын жағалаған жұрт көшеттердің бағасын сұрап, абыр-сабыр боп жатты. Отыз жылдық тәжірибесі бар бағбан Ирина биылғы бағаның жылдағыдан арзан екенін айтады.
- Бүгін тұрғанымызға екінші күн. Өзім Сүт зауыты маңында тұрамын. Көшеттерді үйде өзім өсіремін. Түрлі сұрыптағы 10 түп көшетті 300 -350 теңгеден сатып жатырмыз. Халық қызанақ пен бұрыштың көшеттерін жақсы алып жатыр. Ал баклажанға әлі ертерек. Әдетте, адамдар 21 мамырда болатын Никола мейрамынан кейін жаппай егеді ғой. Биыл баға өткен жылғыдан арзанырақ. Әлі көпшілігі өз көшеттерін сатылымға шығара қойған жоқ. Бағаның қалай құбылатынын кім білсін?!

Байқағанымыз, қазекеңдердің көпшілігінің бау-бақша егіп, оның игілігін көруге қыры жоқ. Бау-бақша басында еңбектеніп жүргендердің көпшілігі өзге ұлт өкілдері. Күтіп-баптасаң, Жер ана жемісін аямайтыны анық. Сондықтан өз бақшасына жұмақ орнату әр адамның өз қолында екенін ұмытпаған жөн шығар.

Ұқсас жаңалықтар
  • Велосипед тебу сәнге айналды
  • Ақтөбеде жер қанша тұрады?
  • Ақтөбеде көкөніс қымбаттады
  • Талдысайлықтар жайылымның жоқтығына наразы
  • Қазақстанда пойыз билеттері жеңілдікпен сатылатын болды
  • Пікір
    ^ Үстіге