Ақтөбеде жер қанша тұрады?


    Ақтөбеде жер қанша тұрады?

    Ақтөбенің іргесіндегі аудандарда жер телімі қанша тұрады? Халық жылдар бойы жиып-тергеніне сатып алған жер учаскесі көңілден шықпай, кейін өкініп қалмас үшін нені ескерген жөн? “Керек.info” тілшісі қала іргесіндегі елді-мекендерді аралап, тұрғындар арасында сауал-нама жүргізіп көрген еді. Ақтөбеде 10 сотық жердің бағасы 7 мың АҚШ долларынан басталып, 35-40 мың долларға дейін жететіндігін білдік.

    Оңтүстік-Батыс-2 ауданы
    Жері – сазды. Балшығы “бауыр-мал”. Бәтеңкеңізге жабысып қалса, оңайлықпен айрылмайды. Бұл ауданның электрмен қамтамасыз етілуі тұрақты. Шеткері аудандарда жиі кездесетін желді күндері жарықтың өшіп қалуы сынды проблема атымен жоқ. Әрі қаладан онша қашық та емес. Әрі кетсе
    4-5 шақырым.
    Облыстық аурухана мен балалар ауруханасына жақындығы да бұл ауданға өзіндік бір артықшылық береді. Автобуспен қатынайтындар үшін мұндағы бір қиыншылық – жол бойынан жаздың аптабында көлеңке мен салқын күндері ықтасын табу мүмкін емес.
    Тұрғындардың айтуынша, Оңтүстік-Батыс-2 ауданынан жер учаскесін сатып аларда бір нәрсені ескерген жөн. Бұл маңның жері тегіс емес. Көктемде қар суы жиналатын көшелер көп.
    -Қала шетіндегі аудандардың ең нашары дей алмаймын. Жасыратын несі бар, Ақтөбенің ең бір сазды жері екенін жұрттың бәрі біледі. Бақша егу үшін жерді өзіңіз өңдеп аласыз. Үш-төрт жыл бұрын мұнда жер учаскесі 25-30 мың доллар еді. Қазір қымбат. Біздің жақтың бір кемшілігі – үйді қараусыз тастап кете алмаймыз. Газды, жарықты тексеріп отыратын бір адам керек. Газ сөніп қалып жатса, жарық та болмайды. Жарық өшсе, жылу да тоқтайды,- деді өзін Нұрбану деп таныстырған тұрғын.

    Заречный-3
    10 сотық жердің бағасы мұнда 30 мың доллардан басталады. Қаладан қашықтығы 6 шақырым. Қызылжар-3, Рауан, Украинка ауылдарымен салыстырғанда өркениеттің белгілері бар. Бір жаманы - Заречный-3 елді-мекенінің орталық көшесінен басқа аумағында түнде жарық болмайды. Жері құмақ. Қоғамдық көлік қатынайтын негізгі көшелері асфальттанған. Заречный-3 ауылының тұрғыны Нұрлан Аманқұлов бұл ауданда бизнес онша жүрмейтінін айтады. Ол өз үйінің жанынан азық-түлік дүкені мен дөңгелек жөндеу орнын ашып алған.
    - Ауыз суы, газы, электр жарығы бар. Неге екенін қайдам, бұл ауыл бизнес үшін тиімсіз. Былтыр дөңгелек жөндеу ісін қолға алдым. Мұндай бизнеспен қаланың ортасында ақшаны күректеп табуға болады. Мына жерге дым адам келмейді,- дейді кәсіпкер.

    Қызылжар-3
    10 сотық жерді бұл ауданнан 10-15 мың АҚШ долларына еш қысылмай табуға болады. Қаладан қашықтығы 10 шақырымдай. Газы мен электр жарығы бар. Шеткері көшенің тұрғындары ауыз суды әзірге ескі Қызылжардан тасып ішіп отыр. Орталықтандырылған ауыз су желісі бар. Құбыр тартылған. Шеткері көше тұрғындары әзір оның іске қосылуын күтіп отыр.
    Қызылжар халқы автобусқа трассаға барып мінеді. Ауыл шеті мен трассаның арасы
    500-700 метр. Бұл ауыл тұрғындары үшін басты азап – жол. Жері сазды болғандықтан, көктем мен күздің күндері көліктерін трассаның бойына қалдырып кетуге мәжбүр.
    – Бұл ауылдың бейнетін бір кісідей білемін. Талай рет трасса бойын-да қалдырған көліктерді ұрылар тонап кетті. Қыста бала-шағамен күре жолдағы атауы жоқ аялдамаға әрең жетеміз. Азық-түлікті қаладан тасимыз. Бір-екі дүкен бар. Үйдің қасынан ала қоятын мүмкіндігіміз болмағасын, нанды қаладан келе жатқан біреу-міреуге ала кел деп тапсырып жүргеніміз,- дейді ауыл тұрғыны Ұлмекен Бермағамбетова.
    Қызылжар-3 елді-мекенінде мектеп пен балабақша жоқ. Тұрғындар жер телімдері арзан болғандықтан, пәтер жағалап жүргеннен тәуір ғой деп осында келгендерін айтады. Ұлмекен Бермағамбетова
    2011 жылы жер телімін 7 мың АҚШ долларына сатып алғандығын айтады. Мұндай учаскелердің қазіргі құны 10 мың АҚШ долларына тең.

    Рауан
    Рауанда жер бағасы Қызылжарға қарағанда екі есе қымбат. Мұнда құр жердің өзіне 25-30 мың доллар сұрайды. Инженерлік желілерден газ бен электр жарығы бар. Орталықтандырылған су желісі жоқ. Тұрғындары ауыз суды көше құдықтарынан тасып ішіп отыр. Балабақша, амбулатория, мектеп жоқ. Автобус белгіленген уақыттарда ғана жүреді. Ауыл көшелеріне кірмейді.
    Рауанның ең алғашқы тұрғындарының бірі Римма Әбдуалидің айтуынша, бұл ауданның жері жыл сайын қымбаттап барады.
    - Осыдан 4 жыл бұрын 7 мың долларға алдым. Біз алғаннан кейін келесі жылы жер қымбаттап кетті. Үлкен ұлым мұндай қаражатқа Рауан-нан таба алмаған соң, Қызылжардан сатып алды. Рауанның жері жазда бау-бақша егуге таптырмайды. Тек қалаға қатынау қиындау. Соңғы рейс кешкі 6:30-да жүреді. Автобусқа жол бойынан мінеміз. Аялдама мен екі орта бір шақырымдай.
    “Керек.info” тілшісі хабарландыру бойынша телефон шалған еді. Рауандағы 11 сотық жерін сатуға шығарған Айбек есімді азамат
    35 мың доллар сұрап отырғанын айтты. Ол бұл сомаға жазғы сарайы мен қоршалған ауласын, құрылысқа қажет деп сатып алып қойған материалдарды қосып беруге дайын.
    – Мен көп сұрап отырғам жоқ. Қазір Рауанда бос жердің өзі 30 мыңнан кем емес,- дейді ол.

    Украинка
    Украинка елді-мекенінің табиғаты тамаша. Өзге аудандардан ең басты айырмашылығы да – осы. Қарғалы өзенінің жағалауындағы ауыл тұрғындары ауыз суды елді-мекеннің ескі бөлігінен тасып ішіп отыр. Ақтөбенің іргесіндегі көптеген шеткері аудандар секілді Украинкада қатты жел тұрса, жарық өшіп қалады.
    Ауыл Ақтөбе - Орск тас жолының бойында орналасқан. Мектеп пен балабақшасы жоқ. Ауыл балалары Қарғалыдағы Мұхтар Арын атындағы мектепке қатынап оқиды. Мектеп автобусы бар. Бірақ, ол тек орталық көшелермен ғана жүреді. “Қатынас жағы әсіресе қыстың күні қиын. Ересектер жағы қарға құлап, мұзға сұлап күре жолға шығамыз. Ақтөбеге ала кету үшін таксистер адам басына 200-250 теңге алады. Ересектерге ештеңе емес, үйірмеге барғысы келетін балаларға қиындау” дейді былтыр осы маңнан үй салып алған Серік Қасымов есімді тұрғын.
    Бір жақсысы - Украинканың жері құмақ. Тек қыс кезінде ауыл ішіне көліктің кіруі қиындап кетеді. Аялдама күре жолдың бойында. Ауыл мен трассаның арасы 1 шақырым.Украинка ауылы Ақтөбеден 15 шақырымдай жерде орналасқан. Мұнда 10 сотық жердің бағасы
    20-25 мың доллар тұрады.

    Ұқсас жаңалықтар
  • Талдысайлықтар жайылымның жоқтығына наразы
  • “Болашағы жоқ” ауылдардың тағдыры беймәлім күйінде
  • Қурайлыда жол опырылып, көлік түсіп кетті
  • Жайсаңбай ауылы ауыз судан қиналып отыр
  • Біздің сүйікті кондуктор
  • Пікір
kerek info kerek info
Фотогалерея
Ой-өріс
ЕЛ АРДАҚТАҒАН ЕКІ ТҰЛҒА – ПҰСЫРМАН МЕН САҢЫРЫҚ
Керек TV
Кейіпкер
kerek info kerek info

Сауалнама

Сіз латын әрпіне көшуді қолдайсыз ба?


дауыс беру
Ауыл
Ең көп оқылған

Ақтөбеде жер қанша тұрады?


Ақтөбеде жер қанша тұрады?

Ақтөбенің іргесіндегі аудандарда жер телімі қанша тұрады? Халық жылдар бойы жиып-тергеніне сатып алған жер учаскесі көңілден шықпай, кейін өкініп қалмас үшін нені ескерген жөн? “Керек.info” тілшісі қала іргесіндегі елді-мекендерді аралап, тұрғындар арасында сауал-нама жүргізіп көрген еді. Ақтөбеде 10 сотық жердің бағасы 7 мың АҚШ долларынан басталып, 35-40 мың долларға дейін жететіндігін білдік.

Оңтүстік-Батыс-2 ауданы
Жері – сазды. Балшығы “бауыр-мал”. Бәтеңкеңізге жабысып қалса, оңайлықпен айрылмайды. Бұл ауданның электрмен қамтамасыз етілуі тұрақты. Шеткері аудандарда жиі кездесетін желді күндері жарықтың өшіп қалуы сынды проблема атымен жоқ. Әрі қаладан онша қашық та емес. Әрі кетсе
4-5 шақырым.
Облыстық аурухана мен балалар ауруханасына жақындығы да бұл ауданға өзіндік бір артықшылық береді. Автобуспен қатынайтындар үшін мұндағы бір қиыншылық – жол бойынан жаздың аптабында көлеңке мен салқын күндері ықтасын табу мүмкін емес.
Тұрғындардың айтуынша, Оңтүстік-Батыс-2 ауданынан жер учаскесін сатып аларда бір нәрсені ескерген жөн. Бұл маңның жері тегіс емес. Көктемде қар суы жиналатын көшелер көп.
-Қала шетіндегі аудандардың ең нашары дей алмаймын. Жасыратын несі бар, Ақтөбенің ең бір сазды жері екенін жұрттың бәрі біледі. Бақша егу үшін жерді өзіңіз өңдеп аласыз. Үш-төрт жыл бұрын мұнда жер учаскесі 25-30 мың доллар еді. Қазір қымбат. Біздің жақтың бір кемшілігі – үйді қараусыз тастап кете алмаймыз. Газды, жарықты тексеріп отыратын бір адам керек. Газ сөніп қалып жатса, жарық та болмайды. Жарық өшсе, жылу да тоқтайды,- деді өзін Нұрбану деп таныстырған тұрғын.

Заречный-3
10 сотық жердің бағасы мұнда 30 мың доллардан басталады. Қаладан қашықтығы 6 шақырым. Қызылжар-3, Рауан, Украинка ауылдарымен салыстырғанда өркениеттің белгілері бар. Бір жаманы - Заречный-3 елді-мекенінің орталық көшесінен басқа аумағында түнде жарық болмайды. Жері құмақ. Қоғамдық көлік қатынайтын негізгі көшелері асфальттанған. Заречный-3 ауылының тұрғыны Нұрлан Аманқұлов бұл ауданда бизнес онша жүрмейтінін айтады. Ол өз үйінің жанынан азық-түлік дүкені мен дөңгелек жөндеу орнын ашып алған.
- Ауыз суы, газы, электр жарығы бар. Неге екенін қайдам, бұл ауыл бизнес үшін тиімсіз. Былтыр дөңгелек жөндеу ісін қолға алдым. Мұндай бизнеспен қаланың ортасында ақшаны күректеп табуға болады. Мына жерге дым адам келмейді,- дейді кәсіпкер.

Қызылжар-3
10 сотық жерді бұл ауданнан 10-15 мың АҚШ долларына еш қысылмай табуға болады. Қаладан қашықтығы 10 шақырымдай. Газы мен электр жарығы бар. Шеткері көшенің тұрғындары ауыз суды әзірге ескі Қызылжардан тасып ішіп отыр. Орталықтандырылған ауыз су желісі бар. Құбыр тартылған. Шеткері көше тұрғындары әзір оның іске қосылуын күтіп отыр.
Қызылжар халқы автобусқа трассаға барып мінеді. Ауыл шеті мен трассаның арасы
500-700 метр. Бұл ауыл тұрғындары үшін басты азап – жол. Жері сазды болғандықтан, көктем мен күздің күндері көліктерін трассаның бойына қалдырып кетуге мәжбүр.
– Бұл ауылдың бейнетін бір кісідей білемін. Талай рет трасса бойын-да қалдырған көліктерді ұрылар тонап кетті. Қыста бала-шағамен күре жолдағы атауы жоқ аялдамаға әрең жетеміз. Азық-түлікті қаладан тасимыз. Бір-екі дүкен бар. Үйдің қасынан ала қоятын мүмкіндігіміз болмағасын, нанды қаладан келе жатқан біреу-міреуге ала кел деп тапсырып жүргеніміз,- дейді ауыл тұрғыны Ұлмекен Бермағамбетова.
Қызылжар-3 елді-мекенінде мектеп пен балабақша жоқ. Тұрғындар жер телімдері арзан болғандықтан, пәтер жағалап жүргеннен тәуір ғой деп осында келгендерін айтады. Ұлмекен Бермағамбетова
2011 жылы жер телімін 7 мың АҚШ долларына сатып алғандығын айтады. Мұндай учаскелердің қазіргі құны 10 мың АҚШ долларына тең.

Рауан
Рауанда жер бағасы Қызылжарға қарағанда екі есе қымбат. Мұнда құр жердің өзіне 25-30 мың доллар сұрайды. Инженерлік желілерден газ бен электр жарығы бар. Орталықтандырылған су желісі жоқ. Тұрғындары ауыз суды көше құдықтарынан тасып ішіп отыр. Балабақша, амбулатория, мектеп жоқ. Автобус белгіленген уақыттарда ғана жүреді. Ауыл көшелеріне кірмейді.
Рауанның ең алғашқы тұрғындарының бірі Римма Әбдуалидің айтуынша, бұл ауданның жері жыл сайын қымбаттап барады.
- Осыдан 4 жыл бұрын 7 мың долларға алдым. Біз алғаннан кейін келесі жылы жер қымбаттап кетті. Үлкен ұлым мұндай қаражатқа Рауан-нан таба алмаған соң, Қызылжардан сатып алды. Рауанның жері жазда бау-бақша егуге таптырмайды. Тек қалаға қатынау қиындау. Соңғы рейс кешкі 6:30-да жүреді. Автобусқа жол бойынан мінеміз. Аялдама мен екі орта бір шақырымдай.
“Керек.info” тілшісі хабарландыру бойынша телефон шалған еді. Рауандағы 11 сотық жерін сатуға шығарған Айбек есімді азамат
35 мың доллар сұрап отырғанын айтты. Ол бұл сомаға жазғы сарайы мен қоршалған ауласын, құрылысқа қажет деп сатып алып қойған материалдарды қосып беруге дайын.
– Мен көп сұрап отырғам жоқ. Қазір Рауанда бос жердің өзі 30 мыңнан кем емес,- дейді ол.

Украинка
Украинка елді-мекенінің табиғаты тамаша. Өзге аудандардан ең басты айырмашылығы да – осы. Қарғалы өзенінің жағалауындағы ауыл тұрғындары ауыз суды елді-мекеннің ескі бөлігінен тасып ішіп отыр. Ақтөбенің іргесіндегі көптеген шеткері аудандар секілді Украинкада қатты жел тұрса, жарық өшіп қалады.
Ауыл Ақтөбе - Орск тас жолының бойында орналасқан. Мектеп пен балабақшасы жоқ. Ауыл балалары Қарғалыдағы Мұхтар Арын атындағы мектепке қатынап оқиды. Мектеп автобусы бар. Бірақ, ол тек орталық көшелермен ғана жүреді. “Қатынас жағы әсіресе қыстың күні қиын. Ересектер жағы қарға құлап, мұзға сұлап күре жолға шығамыз. Ақтөбеге ала кету үшін таксистер адам басына 200-250 теңге алады. Ересектерге ештеңе емес, үйірмеге барғысы келетін балаларға қиындау” дейді былтыр осы маңнан үй салып алған Серік Қасымов есімді тұрғын.
Бір жақсысы - Украинканың жері құмақ. Тек қыс кезінде ауыл ішіне көліктің кіруі қиындап кетеді. Аялдама күре жолдың бойында. Ауыл мен трассаның арасы 1 шақырым.Украинка ауылы Ақтөбеден 15 шақырымдай жерде орналасқан. Мұнда 10 сотық жердің бағасы
20-25 мың доллар тұрады.

Ұқсас жаңалықтар
  • Талдысайлықтар жайылымның жоқтығына наразы
  • “Болашағы жоқ” ауылдардың тағдыры беймәлім күйінде
  • Қурайлыда жол опырылып, көлік түсіп кетті
  • Жайсаңбай ауылы ауыз судан қиналып отыр
  • Біздің сүйікті кондуктор
  • Пікір
    ^ Үстіге