Ақтөбеде мектептен өрт шықты

 Ақтөбедегі мектептердің бірінен өрт шықты. Құтқарушылар мыңға жуық адамды эвакуациялаған.

Назгүл ӘБЕТОВА

kerekinfoaktobe@gmail.com

22 ақпан күні Сәтпаев көшесіндегі №23 мектеп-лицейде өрт шыққаны туралы хабар келіп түскен. Оқиға болған жерге 53 құтқарушы мен 14 техника жіберілген. Өрт сөндірушілер мектептің бірінші қабатынан кабинет жанып жатқанын анықтаған. Мектеп-лицейден 890 оқушы мен 60 ересек адам эвакуацияланған. Тілсіз жау 11 минутта толық ауыздықталған. Облыстық ТЖД баспасөз қызметінің мәліметінше, зардап шеккендер жоқ. Өрттің алдын ала шығу себебі қысқа тұйықталудан болған.