Ақтөбеге келе жатқан пойызда сәби дүниеге келді

Пойызда толғатқан әйелді жолсерік Ғалия Қабдрахманова босандырып алды. Әйел мен нәрестені Жем станциясынан жедел жәрдем қызметкерлері қабылдады.

Аружан СМАҒҰЛОВА

@smagulova__aruzhan

Айнагүл Тілеубергенова Тоғыз станциянан №33 «Алматы-Ақтөбе» бағытындағы пойызға мініп, қалаға қарай жолға шыққан. Пойызда толғағы басталған ананы жедел жәрдем келгенше жолсерік босандырып алады. Осылайша түскі сағат 2 жарымдар шамасында қыз бала дүниеге келді. Анасы мен сәбиді Жем станциясынан жедел жәрдем күтіп алды. Ата-анасы пойызда дүние есігін ашқан сәбиге Малика деп атады. Айнагүл Тілеубергенова сәбиі үшін қатты алаңдағанын айтып, сәбиді босануға көмектескен пойыз жолсерігі Ғалия Қабдрахмановаға алғыс айтты. Айта кетейік, жолсеріктердің көмегімен соңғы 3 жылда «Жолаушылар тасымалы» АҚ пойыздарында 11-ге жуық сәби дүниеге келді.


Қоғам
13:30, 09 январь 2024
475
0
Комментарии (0)
Добавить
Кликните на изображение чтобы обновить код, если он неразборчив