Ақтөбеде енді логопедтер даярланады
Жаңа оқу жылынан бастап Ақтөбе жоғары гуманитарлық колледжінде логопедтер даярлана бастайды. Бұл жөнінде облыстық әкімдіктің баспасөз қызметінен хабарлады.
Еркежан СЕРІК
2026–2027 оқу жылында Ақтөбе жоғары гуманитарлық колледжі базасында алғаш рет «Логопедия» мамандығы бойынша мамандар даярлау басталады. Бүгінгі таңда «Логопедия» мамандығына 125 талапкерден өтініш қабылданды.Конкурс қорытындысы бойынша 11-сынып базасындағы 75 талапкер және ТжКББ базасындағы 25 талапкер аталған мамандық бойынша мемлекеттік білім беру тапсырысы негізінде білім ала алады.Болашақ педагогтар педагогика және психология негіздерін, инклюзивті білім беруді, логопедиялық зерттеу технологияларын, ауызша және жазбаша сөйлеуді түзету әдістерін игереді. Сондай-ақ ауыр сөйлеу бұзылыстарымен жұмыс істеуге, сондай-ақ балалардың сөйлеу дағдыларын дамыту тәсілдеріне ерекше назар аударылады. Оқуды аяқтағаннан кейін мамандар балабақшаларда, мектептерде, түзету кабинеттерінде, психологиялық-педагогикалық түзету және оңалту орталықтарында, сондай-ақ жеке логопед ретінде жұмыс істей алады.
