Ақтөбеде жеке жағажайда 17 жастағы жігіт суға кетті

АқтөбеоблысыныңМұғалжарауданыАқкемерауылында 17 жастағыжігітсуғакетті. Оның денесін құтқарушылар жағаға шығарды, деп хабарлайды ҚазАқпарат

Оқиға 1 тамыз күні сағат 17:30-да болды. Ақтөбе облыстық Төтенше жағдайлар департаменті кезекші-диспетчерлік бөліміне «Ақкемер» жеке жағажайында жігіттің суға кеткені туралы хабарлама түсті.

 «Елек өзеніне 17 жастағы жігіт батып кетті. Құтқарушылар оның денесін үш метр тереңдіктен тауып алды. Сонымен бірге жеке жағажай құтқарушылары 18 жастағы жігітті құтқарған. Облыстық ТЖД суға түсу ережесін қатаң сақтауға тағы да шақырады», - деді облыстық ТЖД-нің баспасөз қызметі.

         Айта кетейік жыл басына бері облыста 20 адам суға кетті. Оның 9-ы бала. Еске салсақ, бірер күн бұрын Ақтөбеде үш адам суға кетті. Оның екеуі бір отбасының екі баласы. Облыстық ТЖД баспасөз қызметінің хабарлауынша, 18 жастағы жігіт қауіпті, шомылуға тыйым салынған жерге суға түскен. Оның денесі жағадан 10 метр қашықтықта, 3 метр тереңдіктен табылды. Сонымен бірге Заречный-1 тұрғын алабындағы көпір маңында 2009 және 2011 жылы туған екі бала суға кетті. Олардың денесі табылды. Екеуі де бір отбасының баласы. Бұл жер – суға түсуге тыйым салынған аумақ.