Бір отбасы жол апатына түсті

Байғанин ауданының 40 жастағы тұрғыны отбасымен «Renault Duster» автокөлігіне отырып, жолға шыққан. «Ақтөбе–Астрахань» тас жолының 248 шақырымында, дәлірек айтқанда, аудан орталығы Қарауылкелді ауылынан 1 шақырым жерде жол жиегінде тұрған «Iveco» жүк көлігіне барып соғылады.

Соққыдан кейін  «Renault Duster» автокөлігі жол жиегінде тұрған екінші «Камаз» жүк көлігіне барып соқтығысады. 20  мамыр күні сағат түнгі 00:10-да  болған жол-көлік оқиғасы салдарынан жүргізушінің 41 жастағы әйелі мен 3 жасар қызы оқиға орнында көз жұмды. Отағасы кәмелетке толмаған 2005 жылғы ұлымен Байғанин аудандық ауруханасының жан сақтау бөліміне жатқызылған. Алайда жасөспірім ауруханада қайтыс болады. Отағасы әлі ес-түссіз күйде.