Мемлекеттік қызметкер мүгедектерден пара алды деген күдікке ілінді
Ақтөбе облыстық Еңбек және халықты әлеуметтік қорғау департаментінің медициналық-әлеуметтік сараптама бөлімінің басшысы 1 200 000 теңге пара алды деген күдікке ілінді.
Назгүл ӘБЕТОВА
Мемлекеттік қызметкер медициналық-әлеуметтік сараптамадан өту кезінде мүгедектерден мүгедектік мерзімін белгілеу және ұзарту үшін бірнеше рет пара алған. Параның жалпы сомасы 1 200 000 теңгені құрайды.
“Тергеу соты күдіктіні электрондық білезікті қолдану арқылы “үйқамақ” түріндегі бұлтартпау шарасына санкциялады”,-делінген хабарламада.
Қазіргі таңда Ақтөбе болысы бойынша сыбайлас жемқорлыққа қарсы қызмет облыстық Еңбек және халықты әлеуметтік қорғау департаментінің №4 медициналық-сараптама бөлімінің басшысына қатысты қылмыстық істі тергеуде. Тергеу мүддесі үшін өзге ақпарат жария етілмейді.
