Ақтөбенің аудан мектептеріне 32 автобус сатып алынды

 Ақтөбе облысы мектептеріне су жаңа 32 автобус сатып алынды. Жаңартылған автобус паркі 4556 оқушыны тасымалдайтын болады.

Назгүл ӘБЕТОВА

Жаңа автобустар Қарағандыдағы отандық кәсіпорында құрастырылған. Yutong және Golden Dragon маркалы “Комфорт” санатына жатады. Лизинг шеңберінде сатып алынған 32 автобустың 13-і қала мектептеріне, 10-ы аудан мектептеріне берілетін болады. Наурыз айында тоғыз автобус әкелінеді.

 Облыстық білім басқармасының мәліметінше, мектеп оқушыларына арналған автобустардың 23-і 20 орындық болса, қалғаны 40 орындыққа лайықталған.