Ақтөбеде өзенге түсіп кеткен жылқы 3 сағатта құтқарылды

Ақтөбеде Елек өзеніне түсіп кеткен жылқы құтқарушыларды әбігерге салды. Олар 3 сағат бойы мұз ойып, жылқыны жағаға шығарды. 

Назгүл ӘБЕТОВА
@abetovanazgul

Ақтөбеде Елек өзенінде басы ғана қылтиып көрініп тұрған жылқыны тұрғындар байқап қалады. Дереу құтқарушыларға хабар береді. Жедел-құтқару жасағының қызметкерлері дер кезінде жеткенімен, қар басқан жерден өту қиынға соғады. Жаяу барып, жылқыны трос арқылы тартып мұздан алып шықпақшы болады. Алайда мұз биенің салмағын көтере алмайды. Осылайша құтқарушылар 3 сағат бойы мұз ойып, биені  жағаға шығарды.  ТЖД баспасөз қызметінің  хабарлауынша, құтқарушылар  жылқыны жақын жердегі шаруашылықтың қорасына апарды.