Қызылордада тренинг өтті

 «Дін мәселелері бойынша білікті мамандар даярлау» жобасы аясында Қызылорда облысында ақпараттық-түсіндіру топтарының мүшелеріне арналған оқыту семинарлары мен тренингтері іске асырылды.

30-31 қазандаҚызылорда қаласының Ә.Тәжібаев атындағы Қызылорда облыстық әмбебап ғылыми кітапханасының мәжіліс залында Қазақстан Республикасы Мәдениет және ақпарат министрлігі Дін істері комитетінің және «Азаматтық бастамаларды қолдау орталығы» КеАҚ- ның қолдауымен «Рухани жаңғыру» қоғамдық қорының ұйымдастыруымен дін мәселері бойынша білікті мамандарды дайындауға бағытталған іс-шара өтті. Шараға Дін зерттеу орталығының, мешіттердің, орта және жоғары оқу орындарының және т.б мамандары, имамдары, психологтары мен теологтары қатысты. Жиында дін мәселелері бойынша түсіндіру тобының мүшелері – Қызылорда облысы дін істері басқармасының бас маманы, өңірлік ақпараттық-түсіндіру тобының мүшесі Романқұлова Гүлсім Айтмаханқызы және риторика маманы Аманбек Толқын семинар оқыды.

Романқұлова Гүлсім Айтмаханқызы «Діни экстремизм мен терроризмнің алдын алу бағытында ақпараттық-түсіндіру топтарымен жүргізілетін жұмыстар, тиімді тәсілдері мен жолдары» және «Шешендік өнер және тиімді сөйлеу дағдыларын қалыптастыру» тақырыптарында семинар-тренинг өткізді. Іс-шара барысында қатысушылар қоғамда радикалды идеологиялардың алдын алуда ақпараттық-түсіндіру топтарының рөлі мен жұмыс әдістемелерін талқылады. Сонымен қатар, шешендік өнердің негіздері, сенімді сөйлеу, аудиториямен байланыс орнату және ақпаратты әсерлі жеткізу тәсілдері қарастырылды. Семинардың мақсаты – мамандардың кәсіби біліктілігін арттырып, қоғамда рухани қауіпсіздік пен тұрақтылықты қамтамасыз етуге үлес қосу болды.

Аманбек Толқын «Тиімді коммуникация. Қақтығыстарды басқару. Эмоциялық интеллект» тақырыбы аясында қатысушыларға тиімді қарым-қатынас орнату және конфликттермен жұмыс істеу үшін пайдалы құралдарды ұсынды. Сондай-ақ, дәріс тақырыбына сәйкес практикалық жағдайлар мен өмірлік мысалдар арқылы нәтижеге қандай факторлардың әсер ететінін көрсетуге көмектесті

Сонымен қатар, семинарлар мен тренингтер барысында қатысушылар тарапынан дәріскерлерге сұрақтар қойылып, тұжырымды жауаптар алынды