Қауылжырдағы карьерден келер қауіп қандай?
Кәсіпкер Шалқар көлін сумен қамтамасыз ететін Қауылжыр өзенінің жағалауын бұзуды жоспарлап отыр.Суы тартылып бара жатқан өзен аумағында 370 мың текше метр құм өндіруге арналған ірі карьер салу жоспарлануда.Осы жоба бойынша қоғамдық тыңдаулар 14 тамызға белгіленген.
Ренат ТАИПОВ
aktobetimes@list.ru
Ақтөбе облысында құм өндіру үшін кемінде 5 жаңа карьер ашу жоспарланып отыр.Ақтөбе облысында құм өндіру мақсатында кемінде бес жаңа карьер қазу жоспарлануда. Соның бірі Шалқар ауданындағы Қауылжыр өзенінің бойында, нақтырақ айтқанда, аттас разъезд маңында орналасқан «Ұлпан» құм-қиыршықтас қоспасы кен орнында салынбақ.Бұл аумақ туралы «АТ» редакциясы өткен жылы да жазған болатын. Ол кезде карьерді игеруге «KMD Group» ЖШС қызығушылық танытқан еді. Алайда Қауылжыр өзенінің арнасынан құм өндіру жоспарына ақтөбелік эколог-активистер мен Шалқар ауданының тұрғындары қарсы шыққан болатын.2026 жылы Қауылжырдағы карьерді игеру құқығына Аманбаев ЖК үміткер болып отыр. Кәсіпкер 2036 жылға дейін өзеннің арнасы мен жағалауларынан 370 мың текше метр құм алуды жоспарлап отыр.Бұл жоба бойынша қоғамдық тыңдаулар 14 тамыз күні Шалқар қаласында өтеді.Жағдайдың күрделілігі – жойылу қаупіне ұшырап отырған Қауылжыр өзені Шалқар қаласында орналасқан көлді сумен қамтамасыз етеді. Егер өзен құрғап кетсе, көлдің де тартылу қаупі бар.Сонымен қатар өзеннің өзі қазірдің өзінде суы азайып, тартылып бара жатқан өзендердің қатарына жатады. Оның суының азаюына Қауылжыр өзенінің бастау алатын Мұғалжар тауларындағы табиғи өзгерістер әсер етуде. Бұл тауларда қиыршық тас өндіру үшін жару жұмыстары жүргізіліп, тау жыныстары ұсақталуда.
