Ақтөбеде ер адам анасымен жанжалдасып суицид жасамақ болды

Жер үйдің шатырында суицид жасамақ болған ер адам құтқарылды

Ақтөбеде ер адам анасымен жанжалдасып қалып, өз-өзіне қол жұмсамақ болған.  Бұл туралы Ақтөбе облыстық ПД баспасөз қызметі хабарлады.

Назгүл ӘБЕТОВА

Оқиға 31 тамыз күні болған. Полицияға ер адамның жер үйдің шатырында суицид жасамақ болғаны жайлы хабар келіп түседі. Оқиға орнына жеткен тәртіп сақшылары ақтөбелік тұрғынды құтқарып қалды. Олар алғашқы медициналық көмек көрсетіп, жедел жәрдем шақырған. ПД баспасөз қызметі берген ақпаратқа сәйкес, ер адам анасымен жанжалдасып қалған соң осындай қадамға барған. Еске сала кетейік, Ақтөбеде 14 тамыз күні тәртіп сақшылары қаржылық қиындықтан құтылу үшін асылып өлмек болған ер адамды құтқарып қалған болатын.